إيه اللي إحنا عايشينه ده؟

ناس بقا معها صك الدين وجنة ونار، وخلصنا منهم، وناس تانية معها صك الولاء للوطن والوطنية، ولو مش معاهم تبقى أنت عميل وخاين وطابور خامس، وناس ماسكة في الثورة والحرية، ولو مبقتش على هواهم تبقى فلول وعابد للعسكر. البلد دي علمتني حاجة مهمة، كلكم سواء عند الناس، إنتم مش هتفرقوا معاهم في حاجة، إنتم بتكبروا بشهرة بمال بسيط بسلطة، لكن الناس بتحلم بالعيش، وده كان أول مطلب، يعني ماكانش خلاف على الدين، لإننا الحمد لله عارفين ربنا، ولا على الولاء، لأننا كلنا بنموت فى ترابها، ولا على المظاهرات والفوضى أكتر من إن الجعان بيحلم بسوق العيش، عايزين بكرة أحسن أفضل، عايزين نشتغل عايزين يكون عندنا مساكن، عايزين نتعلم، ولازم نعرف إحنا عايزين إيه بدل ما هنقول كلنا ياريت اللى جرا ما كان.