حسوا بالفخر وابنوا صوبة.. رسائل السيسي للشعب بمشروع العاشر الزراعي
حسوا بالفخر وابنوا صوبة.. رسائل السيسي للشعب بمشروع العاشر الزراعي
رسائل مختلفة وجهها الرئيس عبدالفتاح السيسي، اليوم السبت، للمصريين خلال افتتاح أحد أهم المشروعات القومية في مجال الصوب الزراعية في مدينة العاشر من رمضان، والتي تأتي تأكيدا لمواصلة مسيرة العطاء وتطوير الاستثمارات الزراعية بأرقى المعايير الدولية.
تحدث الرئيس عبدالفتاح السيسي إلى الشعب المصري عن المشروع القومي للصوب الزراعية، موضحا "قلت هنوصل لأكثر من 100 ألف فدان صوب لأننا قلنا 100 ألف صوبة، وكنا بنتكلم عن الصوبة تكون فدان، لكن لقينا بعض الآراء بتقول نخلي الصوبة الواحدة أكتر من فدان على حسب، وبالتالي قلنا هنستمر في مشروعنا نكمل 100 ألف فدان صوب، المشروع اللي هيدخل مصر تبقى تاني أكبر دولة في العالم في مشروع زراعي مماثل".
وتابع: "أنا بقول للمصريين اللي بيسمعوني، والناس اللي موجودة معانا هنا، هل ده ميخلكوش تحسوا بالفخر والسعادة، لأن اللي بيعمل ده مصر وشباب مصر، واللي قام بالشغل ده وداره الجهاز العسكري، ولكن المنفذين مصريين من شباب مصر".
كما وجه الرئيس، تساؤلا للمصريين حول المشروعات القومية، قائلا: "المشروعات مبتحسسكوش إننا بنتحرك بخطى جيدة، مش عاوز أقول خطى غير مسبوقة.. أنتم لازم تبقوا سعداء جدا وفخورين بأنفسكم يا مصريين.. اللي إحنا شايفينه ده كبير.. لو الحاجة مش مريحاني هسكت على الأقل.. اللي أنجزناه ده كله كنا مع بعض كلنا".
وطالب الرئيس السيسي وزارة الزراعة والتضامن والمشروعات الصغيرة والمتوسطة، التحدث مع المواطنين عن كيفية الحفاظ على الأرض الزراعية، مضيفا: "قولوا للناس بدل ما تبني بيت وتبور الأرض، هنساعدك تبني صوبة تجيبلك نفس العائد، عرفوهم أنهم بدل ما يبنوا بيت في الأرض نعمل صوب تتمول بفائدة بسيطة وندخل الناس في منظومة نحافظ على الأرض وتوفر المياه".
وتطرق السيسي إلى المحاصيل العضوية وعمن يشتريها، موضحا "كنا بنشوف في السوبر ماركت الكبير بيقولوا أورجانيك.. يعني اللي معاه فلوس ياكل أورجانيك والمصريين الباقيين مايكلوش أورجانيك"، مضيفا: "لأ إن شاء الله كله يبقى كده بس أنتم اجروا معانا ونجري مع بعض".
