أديك مكان تدينى تخفيض: الشرط الوحيد لمعارض «زايد» الخيرية
أديك مكان تدينى تخفيض: الشرط الوحيد لمعارض «زايد» الخيرية
- معارض زايد الخيرية
- وجبات مجانية
- إقامة معارض خيرية
- معارض خيرية
- معارض زايد الخيرية
- وجبات مجانية
- إقامة معارض خيرية
- معارض خيرية
أفكار عدة تراوده هو وجيرانه، فى سبيل التخفيف على الناس، كجزء من مشاركة المجتمع فى الأمور الخيرية، سواء كانت بتقديم وجبات مجانية أو إقامة معارض خيرية، غير أن فكرة جديدة طرأت لمحمد مختار، أحد سكان الشيخ زايد، تقوم فكرتها على توفير مكان بالمجان لأحد الراغبين فى عرض منتجات، شريطة أن يقوم بتخفيض 20% على الأقل على تلك المنتجات.
«أى حد عايز يبيع حاجة ييجى، بس الشرط إنه يقلل السعر 20% عن الأسعار اللى برة، وطبعاً كلنا عارفين الأسعار، فمحدش هيضحك على حد»، يحكى «محمد» الذى شاركه فى تنفيذ الأمر عدد من الجيران المحيطين به، وتولوا مهمة التنسيق والمتابعة والإشراف على سير اليوم: «والمنتجات بكل أنواعها، الغذائية بقى وغير الغذائية، ملابس وأحذية، أى حاجة، المهم تبقى أرخص من برة، وبكده أبقى خدمت البائع والمشترى».
{long_qoute_1}
داخل تلك المساحة كان البعض يجلس بمواد غذائية، ومستحضرات تجميل، ومساحيق عدة، وبعض الزبائن الذين وقفوا للمتابعة، ومن شاء منهم الشراء اشترى ما أراد، وكان البعض من سكان المنطقة يشرفون على سير اليوم، منهم منى الجمال، ومصطفى الشندويلى، وريهام شلش الذين يشرفون على بعض الأمور الخيرية من حولهم: «أهو أى حاجة تساعد الناس، إحنا مش بنكسب حاجة غير أن اللى حابب يشترى بسعر مخفّض يلاقى حاجة» يحكى «مصطفى»، مشيراً إلى قيام المجموعة نفسها بتقديم وجبات وأطعمة مختلفة فى توقيتات متفرقة للمحتاجين.
