مجدي عبدالغني عن تصريحاته حول استضافة مصر «أمم إفريقيا»: «مقولتش كده»
مجدي عبدالغني عن تصريحاته حول استضافة مصر «أمم إفريقيا»: «مقولتش كده»
قال مجدي عبدالغني، عضو مجلس إدارة اتحاد الكرة، إن ما يقال بشأن تصريحاته عن عدم امتلاك مصر للمقومات التي تؤهلها لاستضافة كأس الأمم الإفريقية لا أساس لها.
وأضاف عبدالغني، خلال حواره الخاص مع الإعلامية هبة ماهر، ببرنامج "8 الصباح"، على dmc، "مقولتش التصريحات دي، في مواقع كتير جدا، والمواقع لازم تتملي كل يوم، وفي ناس بتكتب على مزاجها، وناس بتاخد جزء من الكلام وتبني عليه تصريحات تانية خالص، ودي مش أمانة، إحنا زمان اتعاملنا مع ناس كانوا عندهم أمانة وضمير في اللي بيكتبوه.. دلوقتي نسبة الناس اللي معندهاش أمانة كترت أوي لأنهم مطالبين يشتغلوا".
وأكد عبدالغني أنه غير غاضب تمامًا من الإعلام، مشيرا إلى أن الإعلام لم يبنِ اسم مجدي عبدالغني، "اسم مجدي عبدالغني مبنهوش الإعلام، اللي بنى اسم مجدي عبد الغني هو مجهود مجدي عبدالغني، وإصراري أكون حاجة، وأثبت للناس إني ألعب في النادي الأهلي، ومنتخب مصر".
