"أمهات مصر" غاضبون من تسريب "الفرنساوي": "مجهود ولادنا راح"
د. طارق شوقي وزير التربية والتعليم والتعليم الفني
قالت عبير أحمد، مؤسس اتحاد أمهات مصر للنهوض بالتعليم، إن أغلب أولياء الأمور أكدوا سهولة امتحانات اللغة الأجنبية الثانية خاصة الفرنساوي والإيطالي، بينما واجهتهم صعوبات في بعض أسئلة امتحان مادة اللغة الألمانية.
وأعلنت عبير، في تصريحات صحفية، عن غضب واستياء أولياء الأمور من تسريب جميع مواد امتحانات اللغة الأجنبية الثانية على مواقع التواصل الاجتماعي ليلة الامتحان.
وطالبت "عبير" وزارة التربية والتعليم بفتح تحقيق عاجل وفوري في المتسببين عن تسريب الامتحانات وإحالتهم للمسئولية القانونية إذا ثبتت الواقعة.
وتفاعل أولياء الأمور علي صفحة اتحاد أمهات مصر على "فيس بوك"، حيث قالت ولي أمر، "للأسف القضية إن مش مهم الامتحان اتسرب زي ما الوزير بيقول، ما هو كدا كدا مش في المجموع، لكن للأسف ده فشل قي قياس مدي نجاح التجربة، هيقيس نجاحها إزاي من عدمه بامتحان متسرب، هما ليه مصممين علي عدم الاعتراف بالأخطاء والفشل اللي هما فيه.. لمصلحة مين؟".
وأضافت ولي أمر أخرى، "مجهود ابني راح في مذاكرة وتعب طول الترم، دلوقتي زي أي واحد مش ذاكر وفلوسه ودروسه ضاعت عليه"، وتابعت أخرى، "عايزة اعرف هي الوزارة بتعمل كدة ليه؟ بعد اللي حصل في العربي كل يوم تسريب الامتحانات، إزاي يعني لمصلحة مين في رهبة الامتحان، وفين العدل، كدة المستوى بين اللي ذاكر واللي مش ذاكر اصبح واحد، احنا دفعين دم قبلنا دورس".
واستكملت ولي أمر، "الامتحان متسرب، البنت بتقولي صحابها كاتبين الإجابات في الكتاب وخلصوا بعد خمس دقايق، يعني إيه ِأنا يطلع عيني مذاكرة ودروس وتعب وهما ينقلو على الجاهز هو ده التطوير أنا كأم مش فاهمه ليه عامل الامتحان؟".