«أمهات مصر»: «امتحان الجغرافيا سهل.. ومتسرب قبلها بيوم»
د. طارق شوقي
أكدت عبير أحمد مؤسس اتحاد أمهات مصر للنهوض بالتعليم، سهولة امتحان مادة الجغرافيا لطلاب الصف الأول الثانوي لنظام الثانوية الجديد.
وأضافت عبير، في تصريحات صحفية، أن أولياء الأمور أكدوا تطابق الامتحان المسرب عبر مواقع التواصل الاجتماعي مع امتحان مادة الجغرافيا قبل أداء الامتحان بيوم كامل، مستنكرين تسريب الامتحانات منذ بدايتها وحتى الآن، مؤكدين أن التسريب يّضيع مجهود أبنائهم المجتهدين ويساويهم بالطلاب غير المجتهدين.
واستطردت: "أنا مش عارفة حكاية تسريب الامتحانات دي إيه، ده أقل ما يوصف أنه استهتار، ولازم محاسبة المتسببين في التسريب".
وتفاعل أولياء الأمور عبر صفحة اتحاد أمهات مصر، على "فيس بوك"، حيث قالت ولي أمر: "حتى الطالب اللي عنده طموح يذاكر ويتفوق خلو عنده بلاده وعدم شعور بالمسؤولية طالما في الآخر الكل بيساوى، اللي ذاكر واللي مذكرش".
وأضافت أخرى: "والله مش فاهمة بينزلوا العيال تمتحن ليه في الجو ده!، كانوا قعدوا في البيت أحسن من المسرحية البايخة دي".