أرملة الشهيد "النعماني" عن تكريم الرئيس: حسيت بأب حاسس بينا وبأوجاعنا
"السيسي" يقبل رأس "ساطع النعماني" صورة أرشيفية
أكدت شيرين يحي، أرملة الشهيد العميد ساطع النعماني، أنه لا يوجد ما يعوض فقد زوجها الشهيد، "مفيش حاجة هتعوض ساطع، ولا هتعوض الفقد في عيلتنا، بس هو في جنة عرضها السموات والأرض".
وأضافت أرملة الشهيد، خلال مداخلة هاتفية مع الإعلامية داليا أشرف، ببرنامج "8 الصبح"، المذاع على شاشة "dmc"، أنه بعد تكريم الرئيس عبدالفتاح السيسي لاسم الشهيد بوسام الاستحقاق من الطبقة الثانية، كان اليوم مليء بالفخر لها ولابنها ولأسر الشهداء، "الفخر ده اترجم قدام عنينا، وحسيت إني في وسط عيلتي، كلنا حاسين ببعض، وحسيت بأب حاسس بينا وبأوجاعنا، وحب يطبطب علينا، وحسيت بامتناني لزوجي على كل اللي عمله، وحسيت بضهر واقف ورايا أنا وابني يعوضني ويطبطب عليا".
واستكملت أرملة الشهيد، أن ابنها لديه 9 أعوام فقط، "ابني عنده إحساسين، إحساس بالفخر بوالده، وإحساس بالفقد، بيقول واحشني وأنا عاوزه وليه مشي دلوقتي، وفي نفس الوقت فخور بيه وسط أصدقائه، وبيقولهم بابا بطل وحارب الأشرار".
وتابعت أرملة الشهيد: "نفسي البلد دي بعد كل التضحيات اللي حصلت، والشباب الصغير والكبير اللي راح، نكمل على اللي عملوه ومنضيعش اللي عملوه"، مؤكدة أنها بقلب الأم لا ترغب أن يلتحق ابنها بكلية الشرطة أو الكلية الحربية، ولكن والده كان يزرع به ذلك، "كان بيقوله أنت بطل وهتكمل مشوار أبوك".
وكرم الرئيس عبد الفتاح السيسي، أسر الشهداء، خلال احتفالية وزارة الداخلية، بعد الشرطة الـ67.