فاطمة عيد عن ثقافة "العيال العزوة": "حرام.. لا بيتعلموا ولا بيتعالجوا"
فاطمة عيد
قالت المطربة فاطمة عيد إنه يجب العمل على مواجهة أزمة الزيادة السكانية، مضيفة: "في الصعيد بيخلفوا عشان الولاد بينفعوا في الخناقات، وناس تانية بتقول العيال عزوة، وده حرام يعني تجيبي 6 عيال لا مدارس ولا علاج ولا حاجة؟".
وأضافت فاطمة، خلال حوارها مع الإعلامية الكبيرة سناء منصور والإعلامية شيرين عفت، مقدمتي برنامج "السفيرة عزيزة"، عبر فضائية "dmc": "زمان البنت كانت بتتدفن، لكن دلوقتي البنت بقت زي الولد، وأحن منه بملايين المرات، لازم نقف كلنا ضد الزيادة السكانية، عشان حرام مليون بني آدم يتخرجوا ويقعدوا على القهاوي".
وعقبت سناء منصور قائلةً، إن عدم حصول المرأة على ميراثها في الصعيد يدفع الأسر لإنجاب البنين، لكي يرثوا الأبويين وهو أحد أهم أسباب الزيادة السكانية في الصعيد.