ولاء الشريف: "مسمحش إن جوزي يطلب مني باسوورد التليفون طالما فيه ثقة"

أكدت الفنانة ولاء الشريف رفضها لطلب "باسورد" هاتف زوجها المستقبلي المحمول، مؤكدة أنها ترفض أن تعطيه "الباسورد" الخاص بها أيضًا.

وأضافت ولاء الشريف التي تقدم شخصية "زينة" خلال لقائها مع الفنانة إسعاد يونس في برنامج "صاحبة السعادة" المذاع عبر فضائية "dmc": "أنا مطلبش ده ومسمحش إنه يتطلب مني ده لأن طالما واثق وفيه ثقة يبقى ليه نعمل كده طالما واثقين في بعض".

وتابعت: "لكن لو أنا شاكة في حاجة وعايزة أتأكد منها وعايز أعرف مش هقوله اديني الباسورد مش هقوله افتح الباسورد لكن هقوله افتح الرسايل".

وكشفت ولاء الشريف مواصفات فتى أحلامها: "حنين والحنية دي أعظم حاجة في الدنيا، ويراعي ربنا فيا، مش فارق معايا الشكل والمظاهر قد ما بيفرق معايا الروح لأنها اللي بتفضل مش هتتغير، ويكون رومانسي ويخاف عليا ويكون بيغير بس بحدود".