م الآخر| إحساسك
م الآخر| إحساسك
عن إحسـاسـك..
بالعمـر بيجـري قصـادك
وبيسبق حتى سـمـار الشَعره
اللي حـرقهـا الحِـمـل
فاتحـول لونهـا في راسـك
للأبيـض
مـع إن اللـون دا بعيـد جـدًا..
عن واقـع حـالـك!
عن إحسـاسـك..
اللي الـوقـت بيستخسـر مـرة
يفكـر روحـك بيـه
فاتعـدى سنينـك زي الثـورة ماعـدت
وف غمضـة عيـن
تلاقيـك مش فـاكـر إن إمبـارح
كـان عمـرك لسـه
معـداش العشـريـن
وإنـك كنـت بتحلـم..
نفس الحلـم الحـالـي الوقت
يجـوز كـان سنـك سـابقـة في يـوم
وعيـونك دي اللي إمبـارح
كانـت تقـدر تلمـح بكـرة بـأسهـل نظـرة
مابقتـش بتلمـح غيـر فنجـان القهـوة
طشـاش
إتغيـر كُـل مـا فيـك
مش فـاضـل منـك
غيـر نفس الحِـمـل المنقـوش فوق الخديـن
ونفس الحلـم اللي استنيتـه سنيـن
ومعـاده مجـاش!
