حازم إمام: "أبويا علمني استمتع بلعب الكورة وبعدني عن الضغوط"
حازم إمام
قال حازم إمام، لاعب نادي الزمالك السابق، وعضو الاتحاد المصري لكرة القدم، إن والده الكابتن الراحل حمادة إمام كان يرى أن الكرة هي إمتاع وليست تعصب، متابعا: "مش لازم نشتم بعض علشان نبقى كدا جامدين، كان شايف أساس الكرة إني استمتع بيها، مش ألعب تحت ضغوط".
وأضاف "إمام"، خلال حواره مع الإعلامية آية جمال الدين والإعلامية رحمة خالد، ببرنامج "8 الصبح"، المذاع على شاشة "dmc" أن الوقت الحالي الأطفال عند لعبهم الكرة يضعهم الأهالي تحت ضغوط، ويقولون لهم: "العب ولازم تبقى أحسن واحد، ده غلط، مينفعش تحط ضغط على طفل عنده 6 سنين، ولا 8 سنين، ده طفل وبيلعب وبينبسط".
وذكر: "أبويا عمره ما جالي ماتشات وعمره ما عمل عليا ضغط، ولا كان بيجي يقولي لعبت وحش وكويس، ولما كبرت حسيت إني أخدت راحتي، وأول سنة لعب فيها في الزمالك مكانش بييجي يتفرج عليا ولا يقول للمدرب حازم بيلعب ولا مش بيلعب".
واستكمل "إمام": "صحابي دلوقتي ضاغطين على عيالهم وزعيق وبيتخانقوا مع المدربين، وهو اللي بينقل العصبية للأطفال".