أبناء "وكالة العنبريين" المنهار يستدعون ذكرياتهم معه.. "هنروح فين؟"
تبدلت البيوت الحجرية وتغيرت الشوارع المحيطة بالعقار رقم 84، الذي يجري هدمه الآن من قبل محافظة القاهرة، والمعروف بـ"وكالة العنبريين" بشارع المعز في حي الجمالية.
العقار كان يحمل على أعمدته مجسمات لصخور منحوتة بفعل الزمن، ولكن لم يتبق منه سوى أحجار ترابية منتشرة بأرجائه، بعد أن بدأ حي وسط القاهرة في تنفيذ الهدم أمس الأول، وسط غضب أصحاب المحلات، لعدم توفير البديل لهم، أو التفاوض معهم قبل البدء في الهدم.
غضب مكتوم وعيون دامعة، هكذا هو حال الرجل الستيني عادل المنياوي، صاحب محل عطارة بالعقار، إذ يقف وسط عمليات إزالة آثار ما تبقى من الهدم، الذي التهم مصدر رزقهم، فلم يكن أمامه إلا أن يرضى بالأمر الواقع: "هنعمل إيه مفيش حاجة بأيدينا، الموضوع انتهى خلاص".
يقول "عادل"، إنه حتى الآن لم يجر التفاوض معهم بشأن البديل المناسب لمحالهم: "المفروض كان يقعد معانا صاحب البيت، وكل واحد ليه حق ياخده".
بينما يقف مجدي علي، 43 عاما، وأحد أصحاب محلات الملابس بالعقار، بالقرب من "مجدي" ويتدخل في الحديث قائلا: "إحنا بني آدمين.. ليه الحي يعمل معانا كدا، طب على الأقل كانوا حلوا المشكلة بينا وبين صاحب البيت، إحنا مش عارفين هناكل منين".
وأضاف "مجدي": "هدموا المحلين اللي أملكهم، وخسايري ما تتقدرش بفلوس، ولادي التلاتة هصرف عليهم منين دلوقت، الحي مش هيدخل ومش هيدينا حتى تعويضات، وصاحب البيت بيقول اللي ليه محل 5 متر هياخد محل 2 ونص بس، طب دا يرضى مين؟!، هما لا حاسين ولا سامعين بالناس اللي اتخرب بيتها".
في أحد الشوارع الضيقة التي طالتها جرافات الإزالة، جلس العجوز أحمد محسن، بالقرب من حطام سكنه يتحدث، قائلا: "شوفنا إمبارح يوم صعب، بضايعنا حطيناها عند زمايلنا، في محلات اللبس، الناس هيتحملونا يوم، اتنين، تلاتة، لكن مش طول العمر".
فيما وقف شهاب علي، 34 عاما، يجمع ما تبقى من بضاعة الملابس التي يتاجر فيها، لينقلها قبل أن تصل اللوادر إليه: "إحنا اكتر من 500 عامل، بناكل عيش من العقار، غير الناس اللي ساكنين فيه، والله أعلم هنروح فين وإحنا هنصرف على بيوتنا منين".
وبالقرب من العقار المنهار، جلس علي حسين، 40 عاما، هو وأصدقاؤه يحتسون أكواباً من الشاي والقهوة، ويدخنون الشيشة، يتذكرون ما حدث بالأمس.
"هدوا أول بيت أهو ولسة، شوية كدا يهدوا المنطقة كلها، بس محتاجة شوية وقت"، كلمات قالها "علي" حزنا على العقار المنهار، "بقاله زمن.. أنا من يوم ما اتولدت وأبويا بيحكي ليه عن المنطقة إنها كلها آثار".
وكان حي وسط بالقاهرة، أزال العقار 84 بشارع المعز، المعروف باسم "وكالة العنبريين"، نظرا لخطورته الداهمة.
وأعلنت وزارة الأثار، في وقت سابق، أن الموقع غير أثري، وصدر له قرار إزالة من محافظة القاهرة.