تامر حبيب: "سعاد حسني حبي الأول وتقدر تعمل دور أي ست"
تامر حبيب
قال الكاتب والسيناريست، تامر حبيب إن الفنانة الراحلة سعاد حسني هي حبه الأول، وأنه كان يتمنى أن تكون متواجدة ويكتب لها أدوار، مؤكدا: "سعاد حسني ينفع تعمل أي دور ست من الأدوار اللي كتبتها، وهي أكتر ممثل في الكون كنت أتمنى اشتغل معاها".
وأضاف "حبيب"، خلال حواره مع الإعلاميتين نهى عبدالعزيز، وسالي شاهين، ببرنامج "السفيرة عزيزة"، المذاع على "DMC" أن الفنانة منى ذكي عندما عرض عليها أداء دور الفنانة الراحلة سعاد حسني استشارته هو وزوجها الفنان أحمد حلمي، من شجعاها على أداء الدور متابعا: "أنا وأحمد حلمي في الكون كله اللي قولنالها اعمليه، وكل الناس قالولها متعمليهوش، وبعتذرلها لأنها اتهاجمت جدا على الدور ده لمجرد إنها فكرت المساس بسعاد حسني، على الرغم من مجهودها الرهيب في المسلسل ده".
وتابع "حبيب" أنه استغل وزنه الزائد في الترشح لدور صلاح جاهين، وخصوصا أنه لديه حب وولع بصلاح جاهين، وبعدها بالصدفة تواصلت معه الفنانة منى زكي وأبلغته أنه مرشح بالفعل لأداء دور صلاح جاهين.
وقالت: "كانت المقابلة في مكان في الزمالك، وبالصدفة كان المكان ده الفيلا اللي أتصور فيها خلي بالك من زوزو"، واستكمل: "خفت من الدور، وكنت عاوز أعتذر عنه، وقولت للمؤلف مش هعرف أقلد، واللي سهلي الدور علاقتي بمنى ذكي".