بريد الوطن| أد الدنيا
صورة أرشيفية
حتى الحلم استعصى علينا
حتى الحلم ده سفره بعيد؟
لما ننام ده الحلم أمانى
ولما نفوق نبدأ ونعيد
بحلم إنى أكون كالنخلة
بحلم إنى أكون كالنحلة
بحلم إنى أعيش بكرامة
آكل العيش بلا أى مهانة
زى النحلة أعيش حرية
زى النخلة ملان بالخير
راسى لفوق مرفوعة تمام
جوه الأرض ثبات يا جدورى
لما هقول يا بلادى بكفى
هغزل توبى واتمم دورى
دورى يا دنيا ولفى ولفى
أنا كالنخلة مهما تدورى
حلمى أشوفك أد الدنيا
وعمر ما كان الحلم بعيد
سامح لطف الله
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com