شادي سرور
نشر شادي سرور، اليوتيوبر الشهير الذي أثار موجه عارمة من الجدل في المجتمع المصري بسبب إعلانه الخروج من الإسلام والعودة إليه مرة أخرى، مقطع فيديو جديد عبر حسابه الرسمي على موقع "يوتيوب".
وموضوع الفيديو الجديد لشادي سرور هو "أنواع الأبهات"، وكتب في وصف الفيديو "فيديو يتحدث عن أنواع وصفات الأبهات المختلفة والمقارنة بين الأنواع دي في صورة كوميدية تمثل الواقع بأحداث مماثلة، والهدف منه الترفيه والتوعية لبعض الصفات السلبية في بعض الأوقات للأب والابن، بعض الشباب لا يقدرون أهمية الأب، أتمني يفهموا أد إيه هو غالي ويقدروه ويحترموه قبل ما يفوت الأوان".
وحصل المقطع الجديد الذي نشره شادي على أكثر من ربع مليون مشاهده منذ وقت نشره اليوم.
ويأتي فيديو شادي سرور بعد فترة قصيرة من إثارته الجدل عقب نشره "بوست"، عبر صفحته الشخصية على فيسبوك، يقول فيه إنه ترك الدين الإسلامي، ما أثار موجة واسعة من الغضب ضده، لكنه لم يستمر طويلًا، قبل أن يعود ويكتب منشورا آخر، يعلن فيه عودته إلى الإسلام مرة أخرى.
وقال سرور حينها: "أنا لما نزلت بوست وقلت سبت الإسلام أنا فعلاً سبت الإسلام بتاعكم ده أنا ماليش دعوة بيه، ده إسلام مش إسلام ده شر وهمجية مالوش علاقة بعبادة ربنا وفعل الخير تماما"، موضحا، "أنا بعبد ربنا أحسن منكم كلكم وكل إنسان دخل جرحنى وشتمني بأبويا وأمي أنت ارتاحت نفسيا، حسيت إن انت أروش شاب في الدنيا أصيع بنت في العالم مفيش فى خبرتك اتنين انتو مش مسلمين".
وأردف شادي: "في ناس عندنا هوايتها المفضلة إيذاء الغير، الهمجية فى التربية وضرب النساء والأطفال لو ده محلل يبقى أنتوا عندكم إسلام غير اللي عندي أنا مسلم بالله مش مسلم إني أضرب طفل".
وقال، "لو أي حد عايز يدخل الإسلام وعرف إن في ناس خرجوا منه والمسلمين جابوهم ودبحوهم تفتكروا هيدخلوا، حرام عليكم أنتو ملعونين من ربنا بسبب شركم وإيذائكم للناس، بتحبوا ليه الأذى إنتم ماعندكمش قلب، هو ربنا مش قال تعمل الخير ولا تأذوا الناس أنا لو حكيت طول عمري مش هقدر أقول لكم كنت هعمل فى نفسى إيه في الفترة الأخيرة أنا كنت هموت نفسي".
وتابع شادي سرور منشوراته مرة أخرى عبر حساباته على مواقع التواصل الاجتماعي، حيث قال في مشور جديد منذ أسابيع: "الفيديوهات الكوميدية والهادفة هترجع أفضل مليون مرة من زمان".
ولاقى المنشور تفاعل كبير خلال دقائق معدودة، حيث حصد أكثر من يقرب من ألف إعجاب، والكثير من التعليقات التي انقسمت بين مؤيد له ومعارض، فقال حساب يدعى "عمر تيبا" "برافو عليك عملت الحركة بتاعت سيبت الإسلام عشان الناس تركز معاك تاني، وبعدها تعمل الفيديو فالناس تتفرج، جدع يا شادي برافو عليك".
بينما علق حساب آخر، "استمر بجد واعمل بان لأي حد ممكن يأذيك نفسيا أو يقولك كلام سلبي أنا مش فاهمة إزاي حد حلو كدة، ويكتئب عشان كام كومنت وفي غيرك مبيقدموش محتوي ليه لازمة ومحدش بيطيقهم ومكملين".
تعليقات الفيسبوك