"لو عندك مشوار سيبي طفلك يلعب وما تقلقيش عليه"، شعار رفعته إيمان كامل، صاحبة كافية مخصص للسيدات بمحافظة أسوان، ابتكرت طريقة جديدة تسطيع من خلالها خدمة الكثير من الأمهات: "المكان عندي مناسب جدا للأطفال بخصص ليهم غرف فيها مشرفة بتخلى بالها منهم طول ما الأم بتكون في الشغل".
سينما 3D للأطفال، وألعاب مختلفة مثل اكس بوكس والبلياردو وبنك الحظ والسلم والتعبان توفرها "إيمان" حتى لا يشعر الطفل بالملل: "المكان مخصص مش بس للأطفال كمان للسيدات اللي بتوصل أولادها المدرسة، ممكن تستناهم فيه لو بيتها بعيد وتكون مستمتعة بالاجواء المختلفة".
وتفتح "إيمان" أبواب الكافية بداية من الساعة 8 صباحاً وحتى 10 ونصف مساء: "الام ممكن تسيب الطفل براحتها حتى لو طول اليوم معنديش أي مشكلة"، وتتراوح أسعار استضافة الأطفال بين 15 لـ 20 جنيهاً: "بنعمل برنامج الأطفال داخل الكافية بنحاول نكتشف المواهب المختلفة سواء في الغناء أو الرسم".
يغلب على المكان الطابع الأنثوي المميز، يوجد منيو خاص بـ"الميك أب" داخل المكان إلى جانب تقديم الأكلات المفضلة لدى البنات والأطفال: "في البداية سمينا المنيو بأسماء مستوحاة من عالم البنات وحكاياتهم لكن كانت صعبة على الناس في أسوان، فرجعنا كل اسم لأكله لاسمه الأصلي المتعارف عليه".
وتحرص "إيمان" على منع التدخين داخل المكان: "طبعاً دي حرية شخصية بس ممنوع حد يدخل جمب الأطفال"، ومن وقت لأخر تحاول "إيمان" إدخال بعض الأنشطة المختلفة مثل تعلم البالية والرقص الشرقي والزومبا: "بنحاول نغير جو للسيدات داخل المكان من وقت للتاني ونقدم نشاطات مختلفة كعامل جذب".
تعليقات الفيسبوك