مبادرة لتخفيض الأسعار مراعاة لظروف أهالى عين شمس: رمضان كريم

07:37 م | الأربعاء 10 أبريل 2019

بمناسبة قرب حلول شهر رمضان، قرر جزار فى منطقة عين شمس الشرقية، إطلاق مبادرة لخفض الأسعار تيسيراً على أهالى المنطقة، وتشجيعاً للتجار على الانضمام لمبادرته وخفض الأسعار قبل رمضان.

حازم حافظ، صاحب المبادرة، أكد أنه بادر بخفض الأسعار لإحساسه بالمواطن البسيط الذى قاطع اللحوم لعدم قدرته على شرائها، بعد ارتفاع أسعارها، مؤكداً أن كل هدفه إرضاء الزبون وتحقيق رواج فى اللحوم المكدّسة بمحال الجزارة: «كل واحد عنده التزامات كتير، الله يكون فى عون الناس كلها، الأسعار مرتفعة ومحدش بيشترى علشان كده لازم يكون للتاجر دور فى مراعاة الناس وخفض الأسعار شوية»، العروض التى قدّمها «حازم» لاقت استحسان أهالى المنطقة وشهد محل الجزارة الخاص به إقبالاً كبيراً منذ اليوم الأول للمبادرة: «الناس عايزة تخزّن علشان رمضان، وأنا عملت المبادرة دى فى وقتها، وباتمنى بقية الجزارين يعملوا كده». يقدم «حازم» أسعاراً بسيطة تناسب سكان منطقته: «الكندوز بـ90 جنيه والبفتيك بـ130، والسجق البلدى بـ80»، وهى أسعار أقل من الموجودة فى كل الأسواق، حسب قوله: «أهالى المنطقة فرحانين بالمبادرة، وبيقولوا لى يا ريت تستمر علشان يلحقوا يخزّنوا لرمضان»، لافتاً إلى أنه يستقبل زبائن من خارج منطقة عين شمس، ويرحب بهم.

ردود فعل إيجابية تلقاها «حازم» بسبب مبادرته التى خرج صيتها من دائرة عين شمس إلى المناطق المجاورة، وهو ما أكسبه شهرة وثقة: «مبسوط أن المبادرة نجحت وهاكررها تانى وهشجع الجزارين على تخفيض الأسعار، خلى الناس تاكل لحمة طول السنة مش فى رمضان بس».