بيقولك.. "لا تقل لي ولا أقول لك"

عملت بمجال الإعلانات قرابة العشرين عامًا، وفي هذا المجال عندما تريد إثبات جودة منتج تقوم ببساطة بإحضار بعض الناس من شريحة المستهلك المستهدف وتستطلع آراءهم ثم تذيع الجيد منها على شكل إعلان للمنتج، ولذلك كانت السيدات يقتنعن مثلاً باستعمال مسحوق غسيل جديد لأنها رأت سيدات في إعلان يقلن: "البقع راحت وهدوم العيال بقت مزهزهة"، أي صدقت في جودة المنتج وقدرته لأنها رأت وسمعت سيدة "بتقولها" استعملت المسحوق ده ورأت الدليل على مصداقية الإعلان عندما رأت هدوم العيال المزهزهة. لا أعلم نوعية التطور الفكري الذي مر بالجنس البشري والذي جعله لا يحتاج أن يرى ذلك الشخص الذي "بيقولك" ولا أن يرى أي دليل أن الذي "بيقوله" صحيح، وأصبحت كلمة "بيقولك" هي تلك الكلمة السحرية التي توضع في أول أي جملة لتضفي مصداقية. وفي محاولة لاسترجاع كم الجمل التي بدأت بـ"بيقولك" سأسرد عليكم أكثرها طرافة، وأعتقد أن الذاكرة ستخونني من كثرتها: بيقولك فيه غواصتين إسرائيلي على مدخل القنال بيقولك فيه ضرب نار في الشارع اللي ورانا بيقولك العيال اللي في الميدان واخدين 50 دولار ووجبة كنتاكي بيقولك دبابات الحرس الجمهوري وجهت مدافعها لدبابات الجيش بيقولك شحنة فلوس وزنها 4 أطنان بتاعة جمال مبارك بيقولك الجمل رايح يحتفل في الميدان بيقولك عربيات الإسعاف بتسلم المصابين في القسم بيقولك المسيحيين بيحرقوا مصاحف في عبدالمنعم رياض بيقولك مشروع النهضة عمله 1000 عالم بيقولك أول ما مرسي يكسب مصر هيدخل لها 200 مليار دولار بيقولك هما 100 يوم وهتشوفوا مصر بقت إزاي بيقولك المشكلة في الإعلام والقضاء بيقولك القرض الربوي حلال بيقولك ده أفضل دستور عرفته البشرية بيقولك المسيحيين بيقتلوا نفسهم بيقولك خالد يوسف عمل المظاهرات فوتوشوب بيقولك السيسي مات واللي موجود هو البديل بتاعه بيقولك اعتصام رابعة سلمي بيقولك قتلوا 8000 بيقولك الدستور الجديد يبيح سب الدين بيقولك كل مؤيدي السيسي رقاصات ولكي لا أطيل عليكم، أذكر لكم أهمها: الأكثر استعمالاً: بيقولك مبارك مات الأكثر جنوناً: بيقولك فيديو الطيارة اللي وقعت عمله خالد يوسف الأكثر طرافة (وكانت صادقة): بيقولك محمد الصاوي يمثل المسيحيين في لجنة الدستور لا يوجد ما يمنع صدق ما يأتي بعد "بيقولك" ولا يوجد ما يمنع أن حضرتك تتيقن أن ما سبقته "بيقولك" هو خبر صادق. وكذلك عندما تواجه جملة بدأت بـ"بيقولك" لا يوجد ما يمنع أن تسأل هذه الأسئلة: -مين ده اللي "بيقولك"؟ -لو عرفته لو عرفته لو عرفته يأتي السؤال عن مدى مصداقية اللي "بيقولك" في العموم -هل اللي "بيقوله" متناسق مع العقل والمنطق؟ -هل يوجد ما يؤكد أنه "بيقولك" خبر صحيح؟ لا أنكر أن البعض القليل من جمل "بيقولك" كانت صادقة بالرغم من مخالفتها للمنطق والعقل، ولكن ما يخالف المنطق والعقل فعلا هو تصديق وترديد كل جملة بدأت بـ"بيقولك" لمجرد أن ما بها يروق لك، حقيقة لا أطلب منك عدم التصديق أو التصديق، كل ما أطلبه هو التحري وإعمال العقل! مش صعبة والله. وأخيراً سيظل أكثر من ابتذل "بيقولك" هي ماكينة الإشاعات الإخوانية، وسيظل أصدق من استعملها هي خدمة "بيقولك" للتعرف على حالة المرور، وبين هذا وذاك آلاف الجمل التي لا تستند على أي منطق أو دليل ونصدقها ونرددها ولم نتوقف عن ترديدها حتى بعد أن اكتشفنا كذب معظمها. سيدي الفاضل العاقل، سيدتي الفاضلة العاقلة، مش كل واحد قالك "بيقولك" بيقولك الصدق.