«خصم 40% و50% مع نظام غذائى وتدريبى مجانى لكل الناس اللى تخنت من أكل رمضان وكحك العيد».. عروض تخفيض تقدمها بعض الصالات الرياضية، للتخلص من الأوزان الزائدة عقب شهر رمضان وعيد الفطر المبارك.
صالة رياضية، بمنطقة 6 أكتوبر، خفّضت الاشتراك السنوى إلى 1500 جنيه، بدلاً من 3000 جنيه، ويُتاح هذا العرض لأصحاب الأوزان الثقيلة: «أكيد إحنا مانعرفش وزن اللى عايزين يشتركوا قبل وبعد رمضان، لكن كل اللى هييجى هيبقى يا إما وزن كبير، يا إما هو خارج من رمضان مش طايق نفسه وعايز يعمل فورمة الساحل».. حسب محمد الألفى، مدير الصالة، ومن ضمن شروط هذا العرض، أن يكون لدى المشتركين الجدية والحماس لإنقاص أوزانهم، وتنظيم حياتهم: «هيكون لكل واحد مشترك وزنه كبير مدرب خاص له يساعده أول شهر.
صالات رياضية تشجع على التخلص من الوزن الزائد
نفس أسلوب الدعاية والترويج، استخدمته صالة رياضية، بمنطقة الهرم، التى تقدم خصماً يصل إلى 40%، للاشتراك السنوى: «السنة عندنا 14 شهر، وبنعمل للمشترك قياس للطول والوزن وحجم الكتلة ونسبة الحرق، وبعدها بنحدد النظام الغذائى اللى هيمشى عليه»، حسب منى إسماعيل، مسئولة الصالة، ويستمر هذا العرض، لمدة 10 أيام فقط: «هدفنا أن كل الناس بعد رمضان والعيد تبدأ تتعامل بشكل رياضى وتنتبه لصحتها أكتر».
تعليقات الفيسبوك