أحمد موسى يطالب بغلق المحلات والمقاهي التي تعرض قنوات "بي إن سبورت"
أحمد موسى
طالب الإعلامي أحمد موسى، الجماهير المصرية، بمشاهدة مباريات كأس الأمم الإفريقية "كان 2019"، التي ستنطلق في مصر بعد أيام قليلة على شاشة "تايم سبورت".
وأضاف خلال حلقة اليوم من برنامج "على مسئوليتي"، عبر شاشة "صدى البلد"، أنه يجب على الجميع الابتعاد عن سلسلة فضائية "بي إن سبورت" القطرية: "ملكومش دعوة ببين سبورت، متعملوش اشتراك، عندنا قناة مصرية وطنية".
وتابع: "اقفلوا القناة القطرية، لأن قطر عدو، وهي بتحاربنا، وإحنا مش عارفين دلوقتي هم بيخططوا لإيه، وكل يوم بيزودوا الحرب على البلد وعلى مؤسسات الدولة، واللي بيعمل الحرب عليّ مينفعش أدفع له فلوس وأعمل اشتراكات في بي إن".
وواصل: "بلاش بي إن، وانت عاوز تسمع مين يعني، ليه عاوزين ناخد رسائل سياسية من قنوات رياضية، والفلوس دي أمير قطر بيدوها للإخوان عشان يقتلونا بيها، اقفلوا القناة دي، ولازم يحصل زي ما حصل في السعودية ويمنعوا القناة دي، عشان عندهم قناة بي أوت كيو".
ووجه "موسى"، رسالة لأصحاب المقاهي والفنادق، طالبهم فيها بعدم تشغيل سلسلة القنوات القطرية "بي إن سبورت"، وأن يقوموا بتشغيل "تايم سبورت" بدلًا منها، مؤكدًا أنها ستذيع المباريات بالمجان.
وأردف: "اللي بيشغل بي إن سبورت، بيشغل قناة إسرائيلية، وأنا بطالب بغلق المحلات والقهاوي اللي بتشغل بي إن سبورت، وهقول على أي حد على الهواء بيشغل القنوات دي".