م الآخر| "السقا" و"صالح".. سلطة وشعب

حاجة غريبة كدة معرفش جت ف دماغي إزاي أصلاً، لما شوفت فيلم "حرب أطاليا" لأحمد السقا وخالد صالح و"ابن القنصل" ليهم هم الاتنين بردو، لاقيت (طبعا مع اختلاف قصص الأفلام) إن في المرتين خالد صالح بيتضحك عليه وأحمد السقا هو اللي بيعمل الخطة ويقول يلّا. واضح إن خالد صالح بيحب يضحك عليه كتير، معرفش ليه ده بقي فكرني بالسلطة والشعب (من غير بس ما تتسرع وتقول إيه الهبل ده كمل للآخر مش هتخسر حاجة) آه السلطة والشعب: السلطة هي السقا اللي بيعمل الخطط وبيلعب ع الشعب والنهاية دايما بتكون في صالحه، والشعب هو خالد صالح اللي كل مرة السلطة بتستغباه وبتضحك عليه وبتعمل عليه خطط, وهو بردو مبيتعلمش من أخطائه. نفسي بجد نهاية الأفلام دي تتغير ولو لمرة واحدة بس لصالح الشعب، مش كل مرة كدة أحمد السقا ينفذ مخططاته كدة ويضرب خالص صالح على قفاه،نفسي بجد يبقى خالد صالح هو البطل والنهاية تكون سعيدة ليه.