موظف يلف العالم بجزء من راتبه شهرياً من غير «مراته وعياله»
موظف يلف العالم بجزء من راتبه شهرياً من غير «مراته وعياله»
- زيارة المتاحف
- الأماكن التراثية
- تكاليف السفر
- تذاكر الطيران
- الرحلات
- دعم السياحة
- زيارة المتاحف
- الأماكن التراثية
- تكاليف السفر
- تذاكر الطيران
- الرحلات
- دعم السياحة
ترتيبات كثيرة وميزانية خاصة يقتصدها ضياء محفوظ، من راتبه الشهرى لفترة قد تستغرق عدة أشهر، بهدف تجميع مبلغ يسمح له بالسفر خارج مصر بمفرده، دون مصاحبة زوجته أو أبنائه أو حتى أحد من أصدقائه بغرض الاستمتاع واكتشاف معالم جديدة.
منذ 3 سنوات، انطلق الشاب الثلاثينى الذى يعمل مدير مبيعات فى شركة للاتصالات، فى أول رحلة إلى تايلاند، لا يمنعه زواجه أو أطفاله من السفر كل فترة بمفرده، بالعكس تتفهم زوجته رغبته فى الاستمتاع بالسفر دون مرافق: «السفر حاجة بتبسطنى، وكان نفسى أشتغل فى مجال كله سفر وتنقلات علشان أقدر أتنقل بسهولة وبدون تكاليف، ومش باخد معايا مراتى ولا أولادى علشان التكلفة هتزيد».
الإقامة فى «هوستيل» وزيارة المتاحف فى الأيام المجانية والتجول مع مجموعات شبابية يدعمون السياحة داخل كل بلد، طرق يقتصد بها «ضياء»، مصاريف الرحلة: «بعد تعويم الجنيه، تكاليف السفر زادت، ولازم علشان الواحد يقدر يسافر أو يستمتع، يقتصد على قد ما يقدر، ويعمل خطة توفير زى مثلاً محدش يسافر فى الموسم فى أوروبا علشان تذاكر الطيران والإقامة فى الفندق بتبقى غالية جداً».
"ضياء": باسكن فى "هوستيل" وبازور الأماكن التراثية فى الأيام المجانية
يجد أن أرخص الرحلات تكلفة تكون داخل قارة آسيا، لقرب الفرق بين العملة المصرية وعملة دولها، ويستطيع التنقل والتسوق بأقل تكلفة: «نفسى ألف العالم كله وأشوف كل الثقافات، وأتعرف على ناس من كل العالم، علشان لازم الواحد يعمل الحاجة اللى بيحبها ومايسيبش العمر، ولا الأيام تعطل تنفيذها».
