فنون جميلة تتخلص من اللوحات القديمة بإلقائها فى القمامة: جريمة فى حق الطلاب
فنون جميلة تتخلص من اللوحات القديمة بإلقائها فى القمامة: جريمة فى حق الطلاب
- خريجى طلاب كلية الفنون الجميلة
- الفنون الجميلة
- اللوحات
- القمامة
- التصوير الجدارى
- طلاب فنون جميلة
- خريجى طلاب كلية الفنون الجميلة
- الفنون الجميلة
- اللوحات
- القمامة
- التصوير الجدارى
- طلاب فنون جميلة
حالة من الغضب انتابت عدداً من خريجى طلاب كلية الفنون الجميلة بجامعة حلوان، بعد تقدمهم بطلب للحصول على اللوحات الخاصة بهم والتى سهروا الليالى للانتهاء منها، واكتشفوا أن الإدارة تخلصت منها بإلقائها فى القمامة بسبب تراكمها بأعداد كبيرة.
بعد انتهاء دراسة آلاء سيد، بكلية الفنون الجميلة بالزمالك، طلبت هى ومجموعة من زميلاتها من الإدارة الحصول على لوحات امتحاناتهن النهائية اللاتى حصلن فيها على تقدير امتياز مع مرتبة الشرف، حتى لا تتعرض للتلف: «المفروض إن الكلية تحتفظ بالأعمال دى عشان لو فيه تفتيش أو حد قدم تظلم يقدروا يقارنوا بين شغله وبين نتيجته، لكن اللى عرفناه إن بعد مرور 5 سنين على التخرج بتترمى علشان كتير جداً، وفيه صعوبة للاحتفاظ بيها».
محاولات عديدة قام بها الدكتور رضا عبدالسلام، أستاذ قسم التصوير الجدارى، بكلية الفنون الجميلة، مع إدارة الكلية لمنع التخلص من اللوحات التى يرسمها الطلاب بجانب مشاريع التخرج بإلقائها فى القمامة، معتبراً ما يحدث جريمة فى حق الطلاب: «بقالى أكتر من 10 سنين باتصدى للمشكلة دى وباقدم لهم حلول لكن الإدارة مش مهتمة، كل 5 سنين يشحنوا اللوحات القديمة فى عربية نقل كبيرة ويرموها، حاولت إنقاذ عدد من اللوحات واحتفظت بيها فى بيتى».
إنشاء معرض فنى يضم أعمال الطلاب المتميزة، حل مناسب اقترحه «رضا»، لكنه لم يجد قبولاً: «إحنا لسه ماشيين بنظام الورق، المفروض نشتغل ديجيتال يعنى كل طالب يبقى ليه ملفه الخاص بأعماله محفوظة على جهاز كمبيوتر، ده هيمنع تراكم اللوحات فى الكلية واضطرارها للتخلص منها لتوفير مساحة للأعمال الجديدة».
