دعا الكروان
بيسحرنى
بصوت رجعه وترتيله
ولما يسبّح الرحمن
ولما ف حزنه يشكيله
الحمد لك والملك لك
وساعات يقول
أشكوه لك
وانا الحيران
واقف عاجز ومش قادر
أمد إيديا وادعيله
لسان ناطق لكن خرسان
ومتخيط بخيط عصيان
وتل ذنوب على ضهرى
وجوه النفس ألف شيطان
وابص لفوق
واقول يا رب امتى أفوق
ده انا ف ملكك يادوب مخلوق
وانت الواحد المنان
يا رب بعفوك ارحمنى
ده انا عبدك
أنا الإنسان
نجلاء نعيم
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
تعليقات الفيسبوك