أحمد حسن وزينب
في أقل من 18 ساعة من نشر "اليوتيوبرز" الشهيرين أحمد حسن وزوجته زينب فيديو يعلنان فيه اعتزالهما نهائيًا منصات "السوشيال ميديا"، وعزمهما على وقف نشر الفيديوهات بعد الهجوم الذي تعرضوا له خلال الفترة الأخيرة، نشر الثنائي فيديو جديد لهما، اليوم.
وسبق وقال حسن، خلال مقطع الفيديو فجر اليوم "حالتنا النفسية بقت صعبة من الانتقادات، وإحنا خلاص مش هنزل فيديوهات ولا صور تاني"، مضيفًا: "اللي بيقولوا إننا بنستغل بنتنا عشان نتشهر، مش صح إحنا مشهورين وعندنا مشاهدات بالملايين من الأول"، فيما قالت زينب: "الفيديوهات اللي أنتوا بتنتقدوها دي أنتم اللي طلبتوها، وكنا بنعمل اللي يبسطكم لأنكم عيلتنا".
"مش هنزل فيديوهات تاني".. أحمد حسن وزينب يعتزلان الـ"سوشيال ميديا"
وسرعان ما ظهر "اليوتيوبرز" مرة أخرى منذ نحو ساعة بمقطع فيديو جديد تحت عنوان "حرام عليكم كفاية انتقادات بقا"، ويتجاوز مدته الـ32 دقيقة، بدأ بلقطات قديمة من حفل خطوبتهما ثم حفل زفافهما ويوم ولادة زينب، ثم مشاهد من قنوات مختلفة تتحدث عنهما وصولا بظهورهما يتحدثان عن سبب نشر هذا الفيديو الجديد.
وقال حسن: "أنا وزينب من أمس مش عارفين ننام وعمالين نفكر في اللي حصل فينا من أول ما بدأنا"، واستكملت زوجته: "بعد ما قعدنا نفكر لاقينا إن الفكرة مش فكرة محتوى فكرة الناس بينتقدونا إحنا كأشخاص"، ويقاطعها زوجها: "الناس مش عاجبهم إن إحنا اللي نعمل ده"، وحكى عن بداية الفيديو من حفل الخطوبة وزواجهما والولادة وما رصدته القنوات الفضائية.
ووجه اليوتيوبر حسن حديثه للقنوات متسائلًا: هل لا يوجد موضوعات مهمة أخرى للحديث عنها غيرهما: "سايبين كل حاجة بتحصل وكل حاجة المفروض تكلموا فيها ومفيش غير أحمد حسن وزينب عملوا إيه وراحوا فين ليه كل ده".
فيما وصفت زينب الأمر بأنه لا يستحق كل ما حدث من هجوم عليهما قائلة: "كل ده عشان واحد بيلاعب بنته وخدناها ونزلنا نطعمها في الصحة ونطلع شهادة ليها زي أي اثنين مش بنعذبها يعني اللي يزعل أنهم بيكلموا في حاجة مش مستاهلة الضجة دي".
وأوضح حسن أن المشكلة لم تقتصر على مستوى مصر فقط، بل انتشرت في أكثر من دولة عربية: "مش فاهم ليه، الناس مش فاضية غير لأحمد حسن وزينب"، وأقسم اليوتيوبر أنه عرض عليه هو وزوجته الظهور في عدد كبير من القنوات التلفزيونية إلا أنهم رفضا ذلك: "أقسم بالله إحنا في قنوات كتير كلمتنا عشان نطلع ونرد على كمية الانتقادات ونتكلم".
ورفض الثنائي العروض المقدمة لهم من قنوات وإعلامين مشهورين بحسب وصفهما: "عايزين نطلع معاهم عشان مجرد بس سبوبة جاية وعايزين يتاجروا بيها بس مش أكتر لكن مش طالعين يكلموا عشان موضوع طفلة أو أب بيعمل إيه مع ابنته لا بيزايدوا على الموضوع وبيقولوا إحنا اللي بنتاجر ببنتنا وبنطلعها عشان نتاجر طيب ما إحنا مشهورين أصلا".
وأكد حسن أن هناك عروض من قنوات أجنبية وفرنسية وعربية ومصرية ورفضوا ذكر الأسماء: "طيب إحنا لو عايزين نتاجر ببنتنا أصلا كنا قبلنا كل العروض اللي في الدنيا".
تعليقات الفيسبوك