50 ألف ولي أمر يعدون قائمة سوداء بأسوأ 35 مدرسة
50 ألف ولي أمر يعدون قائمة سوداء بأسوأ 35 مدرسة
- أولياء الأمور
- ارتفاع أسعار
- التجارب السيئة
- العام الدراسى الجديد
- رصد المخالفات
- طريق مصر الإسماعيلية
- المغالاة فى المصاريف
- أولياء الأمور
- ارتفاع أسعار
- التجارب السيئة
- العام الدراسى الجديد
- رصد المخالفات
- طريق مصر الإسماعيلية
- المغالاة فى المصاريف
«معاً للتربية، معاً للأخلاق»، حملة دشنها مجموعة من أولياء الأمور بالتزامن مع بداية العام الدراسى الجديد، لتفادى التجارب السيئة التى يتعرض لها البعض، وليأخذوا مزيداً من الحرص خاصة فى ظل ارتفاع أسعار مصاريف المدارس، ومغالاة بعض المدارس فى الطلبات أثناء التقديم، ووصل عدد المشاركين فى الحملة إلى 50 ألفاً.
أبرز الأسباب: المغالاة فى المصاريف والتبرعات أثناء التقديم أو النقل
تفاعل كبير وجدته رشا السيد، من أولياء الأمور المتضامنين مع الحملة، التى تروى أن آلافاً من أولياء الأمور يدعمون الحملة بسبب الحوادث التى يتعرض لها أبناؤهم داخلها: «إحنا بيتمص دمنا فى المصاريف اللى بندفعها، لازم نكون متأكدين على الأقل إننا مقدمين فلوسنا فى المكان الصح، الحملة هدفها مش بس تعلم على المدارس اللى طلباتها غالية، لكن كمان اللى فيها مستوى تعليمى مش جيد، واللى مش بتهتم بالأولاد ولا بيكونوا فى أمان داخلها».
وحسب «رشا» فإنهم وضعوا معايير للقائمة السوداء للمدارس: «نفسنا كل المدارس اللى إحنا حطينها فى قوائم البلاك لست تطور من نفسها، وتفهم إن وجودنا هو الأساس عشان يكملوا».
تضم القائمة نحو 35 مدرسة يحذر منها أولياء الأمور: «معظمها فى مناطق مدينة نصر والهرم والمقطم وطريق مصر الإسماعيلية ومصر الجديدة، واللى بتحسن من أدائها بنشيلها من القائمة، الموضوع كله قائم على ترشيحات أولياء الأمور».
حالة من الحماس يشعر بها أولياء الأمور ترجموها فى رصد المخالفات: «كله متحمس وبينصح التانى».
