​

بقيت طيب بقيت عادى

كأنى ضعيف فى إعدادى

بحاول أعدى بس اليوم

وأنام وارجع أقوم من النوم

وأعدى اليوم حزين تانى

بقيت طيب

راجل تانى

بحس إن الوجع بيزيد

وقلبى ضعيف وبيعانى

أنا كويس ومش هحكى

عن الحاجة اللى وحشانى

عن القلب اللى بقى فاضى

خلاص عادى

مش قايل كلام وخلاص

ومتشكر لكل الناس

وعادى الجرح مش هيطول

أنا كويس ومش محتاج

حبيب يفضل كتير علطول

يفضفض بس أو يسمع

حاجات معرفتش أحكيها

حاجات جوايا بداريها

وبضعف من الهموم جداً

لأن القلب عمره ما شال

ف لو ينفع تسامحونى

لأنى بقيت شبه تمثال

مبتكلمش لأنى زهقت

ساعات بحتاج لحد بجد

                                                أحمد كشك 

يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي

bareed.elwatan@elwatannews.com