أنس
«صور ابنك أو بنتك أول يوم فى المدرسة وابعتها لنا وأكتر صورة هتاخد لايكات هى اللى هتفوز معانا بلانش بوكس هدية».. مسابقة مختلفة أقامها أحد المحال بمركز منوف فى محافظة المنوفية، احتفالاً ببداية العام الدراسى الجديد، وتستمر حتى 30 سبتمبر الحالى.
يضع المحل شروطاً محدّدة للاشتراك بالمسابقة، منها «الصورة لازم تكون بيونيفورم المدرسة، لازم يكون فيه تعليق على البوست، ولا يُؤخذ فى الاعتبار الصور التى تخالف الشروط»، تهدف المسابقة حسب إسلام بصل، مسئول المحل، إلى تشجيع الطلاب على الدراسة: «تستقبل الصفحة الخاصة بالمحل على الفيس بوك، عشرات الصور للأطفال بالزى المدرسى، ومتاح أن الأم أو الأب يحطوا كل يوم صورة لأولادهم، وبنختار منها أكتر صورة أخدت إعجاب بتصويت المتابعين على الصفحة، ويُتاح خلال المسابقة، استخدام خاصية «المنشن» لأكبر عدد من المتابعين، لزيادة عدد اللايكات، وهو ما يزيد التنافس وخلق روح الحماس بين أولياء الأمور وأطفالهم».
للعام الثالث على التوالى، يقوم «إسلام» بتنفيذ هذه المسابقة، بعد النجاح الذى حققته، وخلق روح إيجابية بين الطلاب ببداية العام الدراسى: «مابتدخلش فى المسابقة مع آخر يوم ليها باشوف الصورة اللى فازت، وباتواصل مع أصحابها علشان يجيب ابنه أو بنته وله خروجة مجانية لأى مكان والتوصيلة كمان مجانية»، ولاقت المسابقة إقبالاً كثيفاً منذ الإعلان عنها، ومن أجمل الصور التى استقبلها، صورة لأحد الأطفال ذوى الاحتياجات الخاصة، يدعى «أنس»، حصلت على 267 إعجاباً، وهو من محافظة القاهرة، رغم أن المسابقة مقتصرة على أبناء المنوفية فقط: «بس علشان ضحكته الحلوة وحماسه هابعت له تيشيرت باسمه على البريد، أما الفائز من المحافظة فتكون هديته (لانش بوكس)».
تعليقات الفيسبوك