بريد الوطن| من طرف واحد
بريد الوطن| من طرف واحد
حب من طرف واحد
يعنى تعيش بنص كيان
قلبك يبكى من شوقه
وقلبه يبقى مش دريان
تبات الليل تفكر فيه
وهو مع غيرك سهران
تشوفه تدوب فى تفاصيله
ونفسك تجرى تحكيله
على شوقك على سهرك
على حيرتك واختلاط أمرك
شفايفك باسمه بتنادى
وهو يدوب فاكر شكلك
نيران الغيرة تحرق فيك
وقلبه مهما تنده مش ليك
ولو فتح قلبك يلاقيك
عاشقه وفى ضحكته غناويك
الحب من طرف واحد
سهر ليله عذاب جاحد
لكن الحب له أحكام
تعيش الجنة فى الأوهام
ويوم بيفوت وراه أيام
عتاب بيزيد وبحر ملام
نصيب هتعيشه متغصب
تغضب تبكى تتعصب
حضوره صعب
وغيابه كان أصعب
اكتم كسرتك جواك
محمد عبدالعزيز ميجان
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
