بريد الوطن.. سلام الله
بريد الوطن
على النسمة اللى بتحييك
على البسمة اللى بتحليك
على الأرض اللى بتدوسها
وبيبوسها تراب رجليك
سلام الله
على الورد اللى فتحلك
على القلب اللى صحصحلك
على النوم اللى خاصمنى
وفارق عينى انا وراحلك
سلام الله
على القلب اللى بيطوفك
على العين اللى بتشوفك
وبسم الله تسمى عليك
سلام الله على عيونك
وكل سلامى منى إليك
نجلاء نعيم
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com