صورة لطريق جديد التقطها "محمد" في يوم ذكرى النصر وقام بنشرها على صفحته تعبيرا عن فرحته للانجازات
"مزارع سمكية، صوب زراعية، شبكة طرق عالمية وبيصلح في القديم، قناة سويس جديدة، مدينة لصناعة الأثاث بدمياط، مدينة لصناعة الحجر والرخام والجرانيت في هضبة الجلالة، أكتر من 48 مدرسة يابانية، أكبر مصنع للأسمنت في بني سويف، رجع الأمان المفقود اللي طالنا 4 سنين وأكتر للمواطن والوطن، أكبر حقول شمسية لتوليد الطاقة الكهربائية في اسوان .."، إنجازات عديدة كتبها عدد كبير من المصريين على صفحاتهم الخاصة عبر "فيس بوك وتويتر"، اليوم، احتفالاً بذكرى نصر 6 أكتوبر، على طريقتهم الخاصة، بعد مرور 46 عاماً على حرب النصر.
فاعتبر محمد الكيلاني، محاسب، أن ما تم إنجازه خلال فترة رئاسة الرئيس عبدالفتاح السيسي لمصر حتى الآن، نصر يجب أن يحتفل به كل المصريين، وتحديداً يوم ذكرى 6 أكتوبر، فقال لـ"الوطن": "في حرب 73 المصريين احتفلوا بالنصر على اليهود في الحرب ورفع علم مصر على أراضينا اللي كانت محتلة، النهارده إحنا بقينا في 2019 والجديد اللي لازم نحتفل بيه مع ذكرى الحرب هو النصر اللي مصر باقت فيه دلوقتي"، مضيفاً: "الإنجازات بقت واضحة، اللي اتعمل في البلد مش شوية، ولسه الريس مكمل في مهمته ومشاريع لسه بتطلع للنور، مصر اتغيرت فعلاً للأفضل وده نصر كبير لكل مصري النهارده وهو بيحتفل بالذكرى، كفاية الطرق اللي بقينا نمشي عليها في بلادنا وإحنا حاسين إننا في بلاد بره من جمالها".
حالة من السعادة اعتادت أن تنتاب سعاد أحمد، ربة منزل، في يوم ذكرى نصر أكتوبر من كل عام، لكن شعورها بالنصر والفخر هذا العام يزيد عن الأعوام الماضية، بحسب قولها: "مش هقدر أعبر على اللي جوايا من فخر للي مصر وصلتله من إنجازات وخصوصا في 2019، في حملات إيجابية كتير حصلت في البلد منها 100 مليون صحة اللي عالجت مصريين كتير بالمجان، وإنجازات كتير على الأرض فعلاً تستحق إن فرحتنا بنصر أكتوبر تكون مختلفة السنة دي".
تعليقات الفيسبوك