أحمد صيام: كنت خارج من عملية كبيرة.. ولما زارني عادل إمام "خفيت"
الفنان أحمد صيام
تحدث الفنان أحمد صيام، عن علاقته بالفنان القدير عادل إمام، وخاصة أثناء التحضير لفيلم "السفارة في العمارة".
وأضاف، خلال حواره في برنامج "حديث المساء"، مع الإعلامية ياسمين عز، الذي يُعرض على شاشة "MBC مصر"، إنه في البداية تّسلم اسكربت الفيلم ومبلغ مالي كمقدم من أجره في العمل، ثم تلقى اتصالا هاتفيا من الزعيم يّطلب منه الذهاب لمقابلته في مكتب المخرج عمرو عرفة، حيث تّيقن "صيام" في بداية الأمر أنه سييكون خارج الفيلم، وذهب بالإسكربت والمبلغ المالي لمكتب عمرو عرفة، وجلس مع عادل إمام، لكن فوجئ بأن الزعيم طلب منه المجيء من أجل التعود عليه فقط.
وتابع: "عادل إمام قالي أنا عاوز أتعود عليك، إنت لسه شايفني عادل إمام كممثل، أنا عاوزك تشوفني بشخصيتي في الفيلم وتضربني في كتفي وكده زي اللي هيحصل ولازم نبقى أصحاب، قعدنا نهزر ونضحك بس، قال إن شاء الله بكره نصور، كل اللي كان يتقالي عن عادل إمام كله غلط".
وواصل: "أنا شوفت حاجات من ناس مش أقل منه بس، لا دول بالنسبة له مش موجودين أصلا، بعد تصوير الفيلم بفترة طويلة تعبت ودخلت المستشفى لاقيت الزعيم جايلي المستشفى، أنا أول ما شوفته خفيت رغم أني كنت عامل عملية كبيرة، والحمد لله الحياة مشيت، بس أنا مش بحب أفرض نفسي على حد".
وأردف: "ربنا يديله الصحة والعمر، ده كسر قاعدة الفنانين، محدش متربع على القمة زيه من 30 أو 40 سنة".