الأطفال داخل الحضانة
تستقبل الأطفال من ذوى القدرات الخاصة، تعمل على تنمية قدراتهم ومهاراتهم الذهنية. فئة الصم والبكم ومرضى التوحد والمتأخرين فى النطق، هم رواد حضانة فى منطقة ناهيا ببولاق الدكرور، تعتمد لغة الإشارة كوسيلة للتواصل مع الأطفال، ولتنمية مهاراتهم وقدراتهم الذهنية، باستخدام وسائل تعليمية مبتكرة.
سيد جزر، صاحب الفكرة، جهز الحضانة لتحتوى الأطفال من ذوى القدرات الخاصة، بسبب عدم وجود دور رعاية فى تلك المنطقة الشعبية: «الأمهات هنا فى ناهيا لما بيروحوا يقدموا لأولادهم فى حضانات بتكون بعيدة، وفى مدارس كتير مش بتقبل وجود الأطفال دول بسهولة، علشان كده فكرت فى تخفيف الأعباء على الأهالى».
تعتمد الحضانة على أساليب تعليمية مبتكرة، وأدوات تسهل عليهم حفظ المناهج الدراسية: «بنعلمهم لغة عربية وإنجليزية ورياضيات وبنحفظهم قرآن، وفيه حصة يومية مدتها 45 دقيقة مع أخصائية تأهيل بتساعدهم على تطوير أدائهم». يتراوح اشتراك الحضانة بين 450 و500 جنيه: «دى أسعار مخفضة بالنسبة لحالة الأطفال، لأنهم بيحتاجوا مجهود كبير». 7 ساعات يقضيها الأطفال داخل الحضانة: «الطفل بييجى الساعة 8 بيخلص الساعة واحدة ونُص الضهر، زى أى طفل فى أى مدرسة، وأولياء الأمور بيسيبوا ولادهم وهمّا مطمنين».
تعليقات الفيسبوك