إحدى ذوي القدرات الخاصة للسيسي: أنت غيرت حياتنا.. وبتحبنا من قلبك
إحدى ذوي القدرات الخاصة للسيسي: أنت غيرت حياتنا.. وبتحبنا من قلبك
قدم الفنان مصطفى شعبان، هبة عاطف، سفيرة البطولات من ذوي الهمم، لإلقاء كلمه في احتفالية "قادرون باختلاف" لأصحاب ذوي القدرات الخاصة، بحضور الرئيس عبدالفتاح السيسي، في مركز المنارة بالتجمع الخامس، قالًا: "دول أجمد ناس في مصر، بطولات وميداليات يعني حاجة عظيمة جدا".
فردت "هبة": "وشهادات كمان، وبنجيب شهادات وميداليات كثيرة"، وعندما قاطعها الفنان، لإبراز أفضل انجازات جرى تحقيقها، قاطعته "أنت مش خصلت سؤالك"، الأمر الذي أضحك الرئيس عبدالفتاح السيسي والحضور.
إحدى ذوي القدرات الخاصة تُحرج مصطفى شعبان: " إنت مش خصلت سؤالك"
واستكمل الفنان حديثة: "هل فيكم ناس حققت إنجازات أفضل من محمد صلاح ونور الشربيني"، ردت: "بكل تواضع إحنا أشطر وأقوى ناس في مصر، بنجيب بطولات، فينا أبطال عالم كمان، وفيه أبطال زي عندنا زي محمد صلاح ونور الشربيني، بس للأسف الناس مركزة مع كرة القدم، وناس قليلة أوي اللي عارفة عننا".
ووجهت سفيرة البطولات، حديثها للرئيس عبد الفتاح السيسي: "السنة اللي فاتت زي النهاردة، حضرتك غيرت حياتنا أكتر بكتير للأفضل، لما قررت تبقى مكافآتنا عند حصد البطولات زيينا زي الآخرين، بشكر حضرتك على القرار ده، وعاوزة أقول فيه ناس كتير مننا عندهم موهبة، بس عاوزه مراكز شباب مؤهلة، فيها متدربين متخصصين لتأهيل اللي زينا، أنا بحب حضرتك جدا ياريس، لأنك بتحبنا من قلبك، وبتعملنا اللي احنا عاوزينه"، وسط تصفيق حاد من الرئيس والحضور.
وللمرة الثانية على التوالي، حرص الرئيس عبدالفتاح السيسي، اليوم، على حضور احتفالية اليوم العالمي لذوي الإعاقة، تحت عنوان "قادرون باختلاف 2"، التي ينظمها الاتحاد الرياضي المصري للإعاقات الذهنية، بالمشاركة مع وزارة الشباب والرياضة، في مركز المنارة لـ"المؤتمرات والمعارض الدولية" بالتجمع الخامس.
