بتكلفة 100 ألف جنيه: 55 دورة مياه مجانية لأهالى مغاغة
بتكلفة 100 ألف جنيه: 55 دورة مياه مجانية لأهالى مغاغة
«دورات مياه لغير القادرين»، فكرة نفذتها إحدى الجمعيات الخيرية فى محافظة المنيا، حيث ساعدوا بعض الأسر فى القرى التابعة لمركز مغاغة، بعد تعثرهم لسنوات فى بناء دورات مياه نظيفة وصالحة للاستعمال الآدمى.
"التوني": لا يوجد صرف صحي في بعض القرى.. و12 متطوعاً شاركوا في البناء
محمود التونى، مسئول عن جمع التبرعات بالجمعية، يروى أن الشباب قاموا ببناء 55 دورة مياه فى عدد من القرى فى مركز مغاغة لمساعدة الأهالى: «إحنا عندنا مشكلة فى الصرف الصحى، فيه منازل كتير مش متوصل لها مواسير خاصة بالصرف الصحى، إحنا بنحاول نساعدهم بالجهود الذاتية».
تقوم الجمعية بجمع التبرعات من الأهالى للمساهمة فى إسعاد الأسر ورسم الابتسامة على وجوههم: «فيه كتير من الأسر اللى بنساعدها بتكون خاصة بالمطلقات والأرامل، إحنا بنحاول إننا نخفف عنهم، الناس من كتر فرحتها بتدعى لنا وبتحسسنا إننا قدمنا لهم قطعة من الجنة، رغم بساطة طلباتهم».
12 فرداً هو عدد الأشخاص الذين يشاركون فى هذه الأعمال الخيرية: «بنحفر عمق للمياه وبنركّب عليه خزان، وكمان بنساعد الأسر فى تركيب طقم صحى وسيراميك بسيط»، ويروى «التونى» أن معظم المنازل فى مراكز المنيا مبنية من الطوب اللبن: «قبل ما نبدأ فى إنشاء دورة المياه بنعمل للطوب اللبن دعامة من الطوب الأحمر لأنه بيكون لين جداً وممكن يبوش أو يتكسر أثناء عملية إنشاء الحمام».
وتصل تكلفة بناء دورات المياه، بحسب «التونى»، إلى 100 ألف جنيه: «دى التكلفة الإجمالية اللى إحنا صرفناها لغاية دلوقتى».
