جورج سيدهم
يعرف عنه خفة ظله التي شاهدناها في أعماله الفنية، وظهرت في لقاءاته التلفزيونية أيضا، وذلك ما حدث أيضا عندما استضاف برنامج "ستديو 85" الفنان جورج سيدهم، في لقاء نادر له مع الإعلامية فريد الزمر، حيث حكى الفنان الكوميدي عن موقف مخيف تعرض له ولكنه استقبله بخفة ظل.
وكشف جورج، كواليس الموقف الذي تعرض له في إحدى زياراته لمبنى التلفزيون لتسجيل لقاء تلفزيوني، حيث تعطل الأسانسير به بين الدور التاسع والعاشر، مع مذيعة وأحد العاملين: "كانت الساعة 8 ومحدش موجود، قلت هعمل إيه هخبط على الزراير كلها أو اتصل بالتليفون، فالعامل قالي التليفون بايظ، ولا فيه جرس حتى".
وأضاف الفنان الكوميدي: "بدأت المذيعة تتوتر فقالت للعامل طيب وأنت ما دام عارف الحاجات دي بايظة بتركب ليه، قلتلها إهدي يا مدام، قالتلي أهدى إيه وأنت مريح قلتلها أنا أعمل إيه يعني، إحنا في مبنى حكومي وأكيد هيلاقوا الاسانسير عطلان وهيتصرفوا ولو ما نورش أو اشتغل دلوقتي هيبقى الصباح رباح، وإحنا قاعدين مع بعض".
رد فعل جورج سيدهم، جعل السيدة تنفعل وبدأت في الصراخ "فضلت تصوت وتول أصل أنت معندكش أهل وولادي مستنيين في البيت، قلتلها طيب هعمل إيه إحنا قاعدين في حتة صاج فنلطف الجو لحد ما ربنا يكرمنا".
تعليقات الفيسبوك