رئيس التحرير

محمود مسلم

رضوى حسن لـ"الوطن": أهنئ جمهور قنوات dmc.. وكل سنة وهما طيبين ودايما بيتابعونا

نجوم القناة يحتفلون بمرور 3 سنوات على إطلاقها ببث مباشر

05:13 م | الثلاثاء 14 يناير 2020
المذيعة رضوى حسن

المذيعة رضوى حسن

احتفل نجوم شبكة قنوات "dmc" بمرور 3 سنوات على إطلاقها عبر بث مباشر على الهواء بدأ من الساعه الثانية ظهر اليوم ويستمر حتى الساعة الحادية عشرة مساءً، وتحدث فريق عمل القناة خلال الاحتفال عن أمنياتهم في العام الجديد، مع تقديم عدد من الفقرات الجديدة والتي يجرى تجهيزها في برامجهم المختلفة.

وقالت المذيعة رضوى حسن إحدى مقدمى برنامج "السفيرة عزيزة" لـ"الوطن": "أهنئ كل جمهور قنوات dmc وكل سنة وهما طيبين ودايما بيتابعونا وتدونا الثقة والإحساس والأمل بأننا نقدر نقدم محتوى يعجبكم وتكونوا بتسمتعوا بيها".

وأضافت: "إحنا قناة قدرت تثبت نفسها عن طريق تقديمنا لمحتوى مختلف، وعن برنامج السفيرة عزيزة الفترة الجاية هيتضمن فقرات جديدة وشكل مختلف للبرنامج، وهنحاول كفريق عمل البرنامج ورئيسة تحرير البرنامج هدى رشوان، وإدارة قنوات dmc على رأسها محمود مسلم هنحاول يكون في تطور في فقرات البرنامج وفقرات أكتر خارج الإستديو، وعندنا فقرات مختلفة لكل الاعمار وفقرات خاصة بالموضة والرياضة وتنوع كبير في المحتوى المقدم".

وعن أمنياتها بالعام الجديد قالت "رضوى": "أتمنى الخير لمصر وكل الخير للإعلام المصري، ونحاول نقدم للمشاهدين محتوى يكون مختلف ومناسب للتطور الكبير اللي بنشوفه على الساحة كل يوم سواء على السوشيال ميديا أو شاشات التليفزيون والمحتوى الإعلامي بشكل عام، فأتمنى نوصل أكتر للمشاهدين في كل مكان في مصر مش بس القاهرة والمحافظات القريبة، لكن عايزين نوصل لأبعد نقطة في مصر لأن ده واجبنا ومهمتنا إننا نعبر عن كل صوت مصري وبإذن الله نعمل ده الفترة الجاية".

وأكدت: "dmc حققت أكتر من حلم من أحلامي مش بس الظهور على شاشة التليفزيون ولكن إني أخد الفرصة دي بكوني جزء من فريق عمل برنامج مهم وهو السفيرة عزيزة وإني أكون وسط القامات الإعلامية الكبيرة دي، dmc إدتني فرصة فوق توقعاتي بكتير وفوق أحلامي بكتير ويارب الواحد يكون قدها ويكون قد كل الحاجات اللي خدها من dmc ".

عرض التعليقات