صياد عائد من اليمن: قعدنا في فندق 4 أيام قبل عودتنا إلى القاهرة
البدوي: مكناش عارفين إيه اللي هيحصلنا
الصيادين العائدين من اليمن
قال السعيد البدوي، أحد الصيادين المصريين العائدين من اليمن، إن الفترة التي قضوها في السجن باليمن كانت صعبة للغاية، كون الصيادين كانوا بعداء عن ذويهم وأسرتهم.
وأضاف البدوي، خلال مداخلة هاتفية في برنامج "كل يوم"، المذاع عبر شاشة "on e": "مكناش عارفين إيه اللي هيحصلنا، كان كل يوم عن يوم قلقنا بيزيد أكتر".
وأضاف "البدوي": " فضل ونعمة من عند ربنا تدخل الحكومة والرئيس عبدالفتاح السيسي، أول ما عرفنا إن الحكومة والرئيس ادخلوا قلبنا اطمئن بعد ما كنا في قلق شديد جدًا وخوف"، موضحًا أنهم لم يشعروا بالأمان إلا بعد إعلان تدخل الحكومة، وعندما أعُملوا بخبر الإفراج عنهم كانت الفرحة لا تسعهم.
وعن المعاملة معهم داخل سجون اليمن، قال: "الحق لله هما مقصروش معانا، كنا في غرفة لوحدنا بعيدًا عن اليمنين السجناء، كانوا سايبين الزنزانة بتاعتنا بابها مفتوح عشان ندخل ونخرج براحتنا، نائب مدير أمن الحديدية جالنا الحجز وقالنا اطمئنوا خبر الإفراج هييجي قريب اوي، ولو محتاجين حاجة أنا تحت أمركم".
وتابع: "قعدنا في فندق 4 أيام، لحد ما جابوا اتوبيس ودونا صنعاء، وهناك قالولنا الطائرة حصلها عطل كنا خايفين أوي، لغاية آخر لحظة كنا خايفين نرجع السجن تاني".