"عملت لي سحر عشان اتجوزها".. شاب يعترف بقتل صديقته بعد معاشرتها
القاتل: رميت جثتها في الزبالة.. كأن هم وانزاح من فوق كتفي
صورة أرشفية
"كانت بتعمل ليا أعمال سحر عشان اتجوزها، مكنتش قادر أبعد عنها، ولما كلمتها قالت ليا عارفة أنك هتجري ورايا عشان أنا سحرالك، وكنت بفتكرها بتهزر بس لما ماتت لقيت في هدومي حجاب"، بتلك الكلمات اعترف شاب، بقتل عشيقته خلال تحقيقات النيابة العامة معه بتهمة القتل العمد وإخفاء الجثمان بإلقائه في القمامة.
"اللي حصل كان في ساعة شيطان، لما صاحبتي قالت ليا لازم تشوف لك حل ضروري وتتجوزني مش قادرة أشوف جوزي تاني، هاروح النهاردة أطلب من زوجي يطلقني عشان نتجوز بكرة"، بهذه الكلمات واصل المتهم اعترافه في تحقيقات النيابة العامة التي أثبتت أن المجني عليها، كانت تربطها علاقة بعشيقها منذ عدة أشهر، وأقام معها علاقة جنسية، استمرت حتى يوم الجريمة، وأنه قتلها بعد آخر علاقة بينهما بسبب طلبها منه الزواج، بعد أن أخبرته برغبتها في الطلاق من زوجها.
وأفات التحريات أن العشيق "سيد. أ" 38 عاما، هو منفذ جريمة القتل، وبمواجهته وتضييق الخناق عليه، انهار واعترف بتفاصيل جريمته: "اللي حصل يوم الجريمة إنها كانت معايا، وبعد ما خلصنا العلاقة الجنسية، قالت لي مش هفضل معاك كده على طول، الناس بدأت تشك فيا وأنا طالعة وداخله، مش هرجع تاني إلا لما نتجوز".
وأضاف المتهم في محضر الشرطة: "مكنش قدامي حل إلا التخلص من الجثة فانتظرت لحد الليل، والدنيا ريحت شوية، ولفيت الجثة في الملاية ورميتها في الشارع، وساعتها حسيت إن هم كبير كان على اكتافي وانزاح، واعتقدت إن محدش هياخد باله وهاتوه بين القمامة بس الدنيا أسودت في وشي، والشرطة كشفت الموضوع كله".
كان قسم شرطة السيدة زينب، تلقى بلاغًا من الأهالي بوجود جثة لفتاة فى العقد الثالث من العمر ملفوفة بملاءة سرير، وملقاة بأحد الشوارع، وعلى الفور انتقل رجال المباحث، إلى مكان الواقعة، وبفحص الجثة تبين وجود كدمات وآثار ضرب بأنحاء متفرقة من الجسد.