أديب عن انسحاب الزمالك: "المشهد يكسف.. مسرحية ولازم حد يتحاسب"
عمرو: "انت بتعلم العيال الصغيرين اللى كانوا في الأتوبيس إيه؟"
عمرو أديب
علق الإعلامي عمرو أديب، على أزمة نادى الزمالك، بعد انسحابه من مباراة القمة مع الأهلي، التي كان من المقرر إقامتها في الثامنة والنصف مساء اليوم، على استاد القاهرة الدولي، ضمن مؤجلات الجولة الرابعة، من عمر مسابقة الدوري.
وقال أديب خلال حلقة اليوم من برنامج "الحكاية"، الذي يعرض عبر شاشة "mbc مصر": "المشهد يكسف ويسيء للكرة المصرية".
وأضاف الإعلامي عمرو أديب: "لو الأتوبيس تعرض لظرف قهري، الزمالك كان عارف بوجود الأمطار، لكن حقيقي بجد تألمت من المشهد والطريقة، وإننا نوصل لهذا المستوى".
وواصل: "شباب الزمالك الصغير اللي كان في الأتوبيس بتعلمه إيه؟ بتقوله إحنا بنعمل إيه؟ لو عاوز تنسحب انسحب، في مليون سبب أفهمهم، لكن المسرحية دي لازم حد يتحاسب عليها، أقصد الحساب الجماهيري، والحقيقة تبان وكل واحد يبان على حقيقته، وساعات الحقيقة تبقى أقوى من أي قانون وأي سجن".