"عاوز أحضنك".. والدة أول طفل مصري يتعافى من كورونا تكشف رحلة علاجه
فيروس كورونا .. صورة أرشيفية
كشفت السيدة مها، والدة الطفل "آدم"، أول طفل مصري يتعافى من فيروس كورونا، تفاصيل رحلة علاجه، مؤكدة أن الكثيرين يعتقدون أن العزل والحجر الصحي هو عزل عن العالم أجمع، ولكن العزل شيء مفيد للغاية، "مش بيعزلولنا عشان نتعذب، ده حفاظًا على الكل، يعني أنا لو ملقتش دكتور يعالجني هعمل اية".
وأضافت "مها"، خلال مداخلة هاتفية في برنامج "الحكاية"، مع الإعلامي عمرو أديب، على شاشة "mbc مصر": "العزل ده عشان الأطباء تحافظ على نفسها وتحافظ علينا وتحافظ على المصابين"، موضحة أن ابنها خرج من مستشفى العزل بعد 18 يومًا، كما أن طول هذه الفترة، كانت في مكان قريب من آدم حتى لا تتأثر نفسيته ببعدها عنه.
وتابعت: "أدم كان عارف اني في مكان ما بس قريبة منه، أول مرة في حياتة ينفصل عني في حياتي الفترة دي، أنا كنت بأخذ اللعب بتاعته وبعمل فيديو كول عشان اطمن عليه ويشوفني، هو مكنش متعلق بوالدة اللي كان في الحجر برضوا، عشان المرشدين السياحين مش بيكونوا موجودين في البيت طول الوقت".
وواصلت: "وأنا قاعدة لاقيت فيه ممرضة قالتلي هعملك مفجأة وكانت المفاجأة أنها جابت أدم، مش قادرة أوصف الإحساس ده، أول كلمة قالها ليا عاوز أحضنك، بس طبعا الأطباء رفضوا، استأذنت منهم أمسك إيده، وقولتله هنحضن بعض، وغيرنا هدومنا كاملة وخدنا شور وبعدين حضنته بالكمامة".