مصري عائد من لندن: بريطانيا في مصيبة بسبب كورونا.. وقررت احتمي ببلدي
عدد الإصابات في مصر أقل مليون مرة من انجلترا: الإسعاف مبتجيش هناك
بريطانيا
روى أيمن همام، مصري قادم من بريطانيا، داخل الحجر الصحي في فندق المريديان بالمطار، رحلة عودته من لندن، موضحا أنه اتخذ قرار العودة من انجلترا نظرا لارتفاع معدل الإصابات بشكل كبير جدا "أكبر من إيطاليا"، كاشفا أنه مصاب بالسكر: "بتصل وبلجأ للخدمات الطبية بيقولولي خليك في بيتك وهنشوف نبعتلك حد وبنشوف الحالات الأولى بالرعاية، إحنا بندفع ضرائب مهولة للرعاية الصحية هناك.. بندفع مبالغ فلكية".
وأضاف همام، خلال مداخلة هاتفية مع الإعلامي أحمد موسى، ببرنامج "على مسؤوليتي"، المذاع على شاشة "صدى البلد": "قررت أنزل مصر في أسرع وقت ممكن، وقررت احتمي ببلدي اللي عدد الإصابات فيها أقل مليون مرة من انجلترا، بريطانيا في مصيبة، لما تبقى الدولة الغنية مش قادرة تصرف على مصابيها، وشوف مصر بتعمل إيه.. الإسعاف نفسها في بريطانيا مبتجيش".
وتابع همام: "كنت بشوف قبل ما آجي في التلفزيون التعقيم المستمر في مصر في الشوارع والمنشآت، ومشوفتش ده في بريطانيا".