محمد أنور يظهر بمريلة المطبخ على الهواء: ممسكتش أكرة باب من 10 أيام
محمد أنور الحياة اليوم
ظهر الفنان محمد أنور، بـ"مريلة المطبخ"، على الهواء، خلال لقاء أجراه معه بالفيديو، مع الإعلامي حسام حداد، مقدم برنامج "الحياة اليوم"، الذي يعرض عبر شاشة الحياة.
وقال "أنور"، إنه لم يخرج من المنزل منذ أكثر من أسبوع، مشيرًا إلى أنه يشارك في الأعمال المنزلية حتى يشغل وقته.
وأضاف: "ممسكتش أكرة الباب من 10 أيام، وبعمل كل حاجة في البيت، في العادي بلهي نفسي في السوشيال أو البيت، واكتشفت نفسي في الطبيخ".
وحول مشاركته في الأعمال المنزلية، قال "أنور": "النية في الأول بتبقى سليمة بس بتبوظ البيت كله، بنعمل قفلة في البيت كله، ربنا يستر ويعدي الفترة دي على خير، عشان الدنيا تتصلح في البيت تاني".
وحول بقائه في المنزل مع زوجته وطفلته، قال: "في العادي أنا إنسان بيتوتي، وكل حاجة بعملها مع مراتي زي السفر والخروج، والبنت عندي سنة و8 شهور، وكنت بشوفها تخاطيف وبستحملها، ودلوقتي معايا 24 ساعة وصويت كتير وعاوزة تخرج".
وأشاد "أنور" بسيدات مصر، بسبب الجهد الكبير الذي يستلزمه القيام بالأعمال المنزلية: "الستات بيتعبوا بيغسلوا وبيمسحوا وبتطبخ، وإحنا في آخر النهار نتأمر، وكقدرش أقول غير كده عشان أعيش حياتي كويسة".
كما مازح أنور الفنان محمد أنور، الإعلامي حسام حداد، وأظهر مطبخ منزله، وعلق قائلًا: "عملت شوية سجق وكبدة".