تعرضت لحادث.. الإعلامية داليا أشرف تطمئن متابعيها على حالتها الصحية
الإعلامية داليا أشرف
كشفت الإعلامية داليا أشرف، لمتابعيها عبر حسابها الشخصي على فيس بوك، عن حالتها الصحية وتفاصيل تعرضها لحادث سير، منذ أيام.
وقالت الإعلامية: "شكرا لكل اللي سأل عليا طول الفترة اللي فاتت سواء في التليفون أو بعت رسالة.. أنا فعلا غصب عني مكنتش قادرة أرد طول الفترة اللي فاتت أو حتى اكتب لأن الحادثة كانت جامدة... العربية اتقلبت بيا على المحور وكنت هقع من السور لولا ستر ربنا عشان ربنا عالم بحال أمي ورجعني لحضنها عايشة".
وتابعت: "أنا دلوقتي أحسن شوية الحمد لله بفضل ربنا أولا وأمي ثانيا ودعواتكم، شكرا ليكم كلكم وربنا يخليكم ليا ومحدش فيكم يتعرض أبدا لحاجة وحشة".
كانت والدة داليا نشرت عبر حساب ابنتها على فيس بوك، رسالة تطمئن فيها متابعيها على صحتها قائلة: "أنا والدة داليا.. بشكر كل الناس اللي بيتواصلوا معاها على فيس بوك، وبعتذر هي تعبانة مش قادرة ترد.. ادعوا لها تقوم بالسلامة من الحادث".