"فاترينة الإنسانية" بسلع مجانية.. مبادرة صاحب محلات لدعم غير القادرين
صاحب المبادرة: ده وقت التكافل والتراحم وأهالينا أولى بينا
مبادرة فاترينة الانسانية بكفرالشيخ
"من ليس معه نقود فليآخذ مايحتاجه من هذه الفاترينة بالمجان"، عبارة لصقها صاحب أحد المحلات التجارية بمدينة بلطيم التابعة لمحافظة كفر الشيخ، على باب محله لدعم غير القادرين ومنحهم ما يحتاجونه من سلع غذائية مجاناً.
ولاقت المبادرة التي أطلق عليها "فاترينة الإنسانية"، ترحيباً واسعاً بين أبناء المحافظة، الذين دعوا أصحاب المحلات للمساهمة فى تخفيف الأعباء عن غير القادرين ودعمهم.
"فيه ناس عندها حياء، وفي الظروف الصعبة اللى بتمر بيها البلد، فيه ناس بتعفف وفى عمالة وقفت، الناس دى مش متعودين يطلبوا حاجة، قولنا نكسر حاجز الحياء، ونطلق مبادرة فاترينة الإنسانية، عندنا فى هايبر خير بلدنا بفروعة الـ3، اللى محتاج حاجة يخدها، ونشيل الحرج عن غير القادرين"، هكذا لخص "وصال الشربيني"، صاحب المحلات الـ3 فكرة مبادرته التى أطلقها لدعم غير القادرين، مؤكداً أن وضع السلع الغذائية الأساسية فى فاترينة وسلة لمن لم يستطع عليه أن يأخذ احتياجاته منها.
«قولت للناس اللى بتشترى وباقى ليها فلوس لو عاوزة تتبرع بيها لفاترينة الانسانية يبقى كويس، أهالينا أولى بينا، لازم كل واحد يدعم منطقته علشان إحنا فى ظرف استثنائى صعب على العالم كله، ونفسى الفكرة تعمم فى كل المحلات والمجالات والصيدليات، لأن كلنا لازم نكفل بعضنا، دا وقت التكافل والتراحم».