كورس أون لاين لتحسين العلاقة الأسرية في الحظر: اهدوا يا جماعة

إغلاق المقاهى والكافيهات وصالات الرياضة، بعد فرض حظر التجوال، جعل الكثير من الرجال، يفتعلون المشكلات الأسرية ويدخلون فى صدامات كثيرة مع زوجاتهم، بسبب الفراغ وعدم اعتياد الجلوس فى المنزل، وهو ما دفع الدكتورة شيماء إسماعيل، استشارى علاقات أسرية، إلى تقديم كورس أون لاين، لتحسين العلاقات الزوجية وتفادى المشكلات أثناء الحظر.

«الراجل زيه زى الضيف، لازم نكرم وجوده ونضايفه كويس لحد ما الفترة دى تخلص»، حسب «شيماء»، التى توصى السيدات بالتعامل مع أزواجهن كضيوف، ولكن إقامتهم طويلة بعض الشىء، لافتة إلى أنه لا يجوز طلب مساعدتهم فى تحضير الطعام أو تنظيف المنزل دون رغبة منهم: «لازم الراجل يكون هو اللى حابب المساعدة مش نجبره، لأنه هيزهق وهيحس إنه بيتم استغلاله وإنه مش متعود على كده، لو الست ناصحة تسيبه هو اللى يقول أنا عايز أساعدك علشان أريحك». وحسب «شيماء» هناك رجال يحبون التدخّل فى كل الأمور البسيطة والمعقّدة، وهؤلاء لا بد من التعامل معهم بحذر وهدوء شديد، وتجنّب الردود العنيدة عليهم حتى لا يتحول العند إلى شجار: «لما الراجل يكون بيحب يتدخّل فى كل حاجة الست تتكلم معاه بهدوء وتقول له الولاد بيتضايقوا من التدخّل بتاعك طول الوقت بس أنا باقولهم إن بابا بيحبكم ويخاف عليكم، وهيحصل بعدها لين وهيهدى من نفسه».

وتوصى أيضاً بعدم إقحامه فى المشكلات وتصدير التعليقات السلبية له باستمرار، بل الخوض فى أحاديث عن الذكريات السعيدة واللحظات المبهجة: «الوقت ده المفروض كل ست تستثمره فى تقوية العلاقة تانى خصوصاً مع الرجالة اللى كانت بتشتغل أكتر من شغلانة، وبقت قاعدة فى البيت، بقى فيه وقت يتكلموا من تانى».

• المشكلات الأسرية
• العلاقات الأسرية
• كورسات
• فيروس كورونا
• كورونا
• كوفيد 19
• حظر التجوال
• المشكلات الأسرية
• العلاقات الأسرية
• كورسات
• فيروس كورونا
• كورونا
• كوفيد 19
• حظر التجوال