هيكل: لو المواطن متحملش مسؤوليته 100% يبقى معملناش حاجة
الحظر الكامل ضمن الاحتمالات لكنه آخر إجراء
أسامة هيكل
قال أسامة هيكل وزير الدولة لشؤون الإعلام، إن وسائل التواصل الاجتماعي "السوشيال ميديا" تطالب بالحظر الكامل.
وأضاف خلال مداخلة هاتفية مع الإعلامي شريف عامر، في برنامج "يحدث في مصر" المذاع عبر فضائية "mbc مصر": "الحظر الكامل محطوط في الاحتمالات، وربنا ما يوصلنا له، لأنه آخر حاجة خالص، لأننا لسه في حدود آمنة".
وتحدث "هيكل" عن سبب تأخير الحظر للساعة 8 مساء بدلًا من الساعة 7، قائلًا: "الناس كانت بتخلص الساعة 5 وبيحصل تكدس كبير في المواصلات من 5 لـ7، وفيه ناس مبتلحقش توصل لبيوتها، فهذا التكدس بنحاول نفكه شوية بأنه نخلي بدل الساعة 7 نخليها 8، ويبقى قدامهم 3 ساعات".
وأكد أن كل الإجراءات التي اتخذتها الحكومة هي إجراءات استباقية: "لو المواطن متحملش مسؤوليته 100% هيبقى كأننا معملناش أي حاجة خالص، وأعمل الحظر الكامل ولو المواطن متحملش مسؤوليته يبقى معملتش حاجة، وفيه دول عملت حظر كامل والإصابات زادت"، مشددا: "الموضوع ده مينفعش فيه استهتار، والحقيقة المسؤولية على الحكومة والمواطن بنفس القدر".