نجلة الهارب محمد شومان: لم يجبرني أحد على تصوير الفيديو.. وأرجوك كفاية

08:23 م | الاثنين 13 أبريل 2020

قالت لوجين شومان، نجلة الفنان الهارب محمد شومان، إنها أعلنت تبرأها من والدها في فيديو نشرته عبر مواقع التواصل الاجتماعي، "بيتكلم بلسانا وإحنا مطلبناش منه حاجة زي كدا ومحصلش إننا لجأناله وهو مالهوش علاقة بأخويا ولا بينا"، موجهة له رسالة: "أرجوك كفاية بقى وأنت عارف الباقي".

واستكملت لوجين خلال مداخلة هاتفية مع الإعلامي أحمد موسى، ببرنامج "على مسؤليتي"، المذاع على شاشة "صدى البلد": "تبرأنا منه ولكن تبقى اسمه.. وبطلب من الدولة نتبرأ منه بشكل نهائي.. ودي مش أسهل حاجة في الدنيا بس ده بعد اللي حصلنا منه ومن وراه.. وده مش حاجة سهلة علينا".

ونفت لوجين إجبارها تسجيل الفيديو كما يتم الترويج له، "سجلت الفيديو في البيت، واتشاورت مع والدتي وأخواتي وبموافقة الأسرة نشرنا الفيديو ده، ومش هطلع حاجة زي كدا إلا بعد الاتفاق عليها من قبل الأسرة".

وشددت لوجين شومان: "قطعنا كل حاجة توصلنا بيه من فترة كبيرة قبل سفره برة مصر، وأخدنا الخطوة دي لأسباب كتير أوي، وانفصلنا تماما عنه وكان بيحاول الاتصال معانا من 5 سنين لكن بعرف أخباره من ناس تانية ومش عاوزة أي صلة بيه هو مجرد اسم على البطاقة وتواجدنا معاه فترة من حياتنا مش باختيانا ولما اخترنا اخترنا نبقى لوحدنا.. ومفيش بينا أي اتصال ومش عاوزة أبهدل صورة العيلة أكتر من كدا".