"تريزيجيه" يوجه رسالة للأطفال: لازم تتعلموا من الناس الناجحة
تريزيجيه
وجه نجم مصر وأستون فيلا الإنجليزي محمود تريزيجيه رسالة للأطفال، وذلك خلال اتصاله عبر "سكايب" في ثامن حلقات برنامج "حلو بس"، المذاع على شاشة قناة "dmc"، والذي يقدمه الإعلامي أحمد يونس بصحبة العروس "زيتون".
وقال تريزيجيه: "الطفل لازم يبص للناس وصلت إزاي، ميشوفش آخر صورة له، ميشوفش الراجل دة مهندس كبير وخلاص، ولكن يشوف الراجل دة خدها درجات إزاي، تعب قد إيه وناس وقفت قدامه قد إيه".
وتابع: "لازم يتعلم من الناس الناجحة ازاي نجحوا، وإزاي الناجح مر بصعوبات تجاوزها وتحداها عشان يوصل في النهاية لحلمه، والأب والأم والاخوات هم الدافع، هم السبب الرئيسي لأي نجاح هتوصله".
برنامج "حلو بس" يستهدف الأطفال من عمر 6 إلى 12 عامًا، حيث يرصد "يونس" الأشياء الجميلة المحيطة بنا في كل مكان، وتسليط الضوء عليها، وحث الأطفال على التحلي بكل الصفات الإيجابية.