فيديو.. إسراء اللواح من مستشفى العزل: "أقعدوا في بيوتكم الموضوع مش سهل"
إسراء اللواح
وجهت إسراء أحمد اللواح، ابنة الشهيد الدكتور أحمد اللواح، أول شهيد للطواقم الطبية بسبب كورونا، رسالة من مستشفى العزل، عبر الصفحة الرسمية للمتحدث الرسمي لوزارة الصحة، عبر موقع التواصل الاجتماعي "فيسبوك".
وقالت "اللواح"، إن والدها أصيب بأعراض دور برد عادي، وكانوا يعتقدوا أنه مصاب بالبرد، وأنه أجرى التحاليل اللازمة واكتشفوا إصابته بكورونا، لافتة إلى نقلها ووالدتها للمستشفى للعلاج بعد إصابتهم.
وأثنت اللواح، على الأطباء في مستشفى العزل، "كلهم كانوا محسسيني أنهم أهلي، وأحب أشكرهم على اللي عملوه معايا".
وتابعت: "الناس تقعد في بيوتها لأن الموضوع مش سهل، وأنك تروح مستشفى، وتاخد أدوية كتير قوي، مش حاجة سهلة، ومراحل بتعدي فيها، منها نظرة الناس، وكمان ده خطر على اللي في البيت، ولو أنت مش خايف على نفسك، خاف على اللي في البيت، ولو حاجة غير ضرورية متنزلش، وأقعد في بيتك".